देशात बुधवारच्या तुलनेत आज गुरूवारी कोरोनाबाधितांची संख्या वाढल्याचे समोर आले आहे. यासह दिलासादायक बाब म्हणजे कोरोनाने बळी जाणाऱ्यांच्या संख्येत घट झाली आहे. तर आज कोरोनावर मात करणाऱ्यांची संख्या २ हजारांपेक्षा कमी झाली आहे. मिळालेल्या माहितीनुसार, देशात बुधवारी ४३ हजार ७३३ जणांना कोरोनाची लागण झाली तर ९३० जणांचा कोरोनाने मृत्यू झाला आहे. तर आज गुरूवारी देशात कोरोना बाधितांचा आकडा वाढून गेल्या २४ तासात ४५ हजाराहून अधिक नव्या कोरोना बाधितांची नोंद करण्यात आली आहे. यासह ४४ हजार २९१ जणांनी कोरोनावर मात केली असून ८१७ जणांचा मृत्यू झाला आहे.
दिलासादायक म्हणजे देशाचा रिकव्हरी रेट हा ९७.१८ टक्क्यांवर पोहोचला आहे. आठवड्यातील बाधित होणाऱ्या रूग्णांचा दर ५ टक्क्यांनी कमी झाला असून सध्या हा दर २.३७ टक्के इतका झाला आहे. आज देशात गेल्या २४ तासात ४५ हजार ८९२ जणांना कोरोनाची लागण झाली तर ८१७ जणांचा कोरोनाने मृत्यू झाला आहे. यासह दिलासादायक बाब म्हणजे देशात बरे होणाऱ्या रुग्णांची संख्या आज ४४ हजार २९१ वर पोहचली आहेत.
India reports 45,892 new #COVID19 cases, 44,291 recoveries, and 817 deaths in the last 24 hours, as per Health Ministry
Total cases: 3,07,09,557
Total recoveries: 2,98,43,825
Active cases: 4,60,704
Death toll: 4,05,028Total vaccinated: 36,48,47,549 (33,81,671 in last 24 hrs) pic.twitter.com/KFEi9MClz4
— ANI (@ANI) July 8, 2021
केंद्रीय आरोग्य मंत्रालयाने दिलेल्या माहितीनुसार, देशात ४५ हजारांहून अधिक बाधित आढळ्याने देशातील एकूण बाधितांचा आकडा हा ३ कोटी ७ लाख ९ हजार ५५७ झाला आहे. तर आजपर्यंत २ कोटी ९८ लाख ४३ हजारांहून अधिक रूग्णांनी कोरोनावर मात केली आहे. देशातील अॅक्टिव्ह रुग्णंची संख्या ४ लाख ६० हजार ७०४ इतकी झाली आहे. तर, आजपर्यंत देशात ४ लाख ५ हजार २८ कोरोनाबाधितांचा मृत्यू झाला आहे. याशिवाय देशभरात आजपर्यंत ३६ कोटी ४८ लाख ४७ हजार ५४९ जणांचे लसीकरण पूर्ण झाले आहे.
42,52,25,897 samples tested for #COVID19 up to 7th July 2021. Of these, 18,93,800 samples were tested yesterday: Indian Council of Medical Research (ICMR) pic.twitter.com/4IiMKVjBF3
— ANI (@ANI) July 8, 2021
आतापर्यंत देशभरात ४२ कोटी ५२ लाख २५ हजार ८९७ नमुन्यांची तपासणी करण्यात आलेली आहे. यापैकी ७ जुलै रोजी १८ लाख ९३ हजार ८०० जणांची कोरोना चाचणी घेण्यात आल्याची माहिती आयसीएमआरने दिली आहे.
