मणि रत्नम यांच्या दिग्दर्शनात तयार झालेला ‘पीएस-1’ चित्रपट नुकत्याच काही दिवसांपूर्वी प्रदर्शित झाला. या चित्रपटातून बॉलिवूड अभिनेत्री ऐश्वर्या राय बच्चनने जवळपास 4 वर्षाच्या ब्रेकनंतर पुन्हा मोठ्या पडद्यावर पदार्पण केले असले तरी प्रेक्षक ऐश्वर्याच्या चित्रपटातील अभिनयासोबतच चित्रपटाच्या कथेचे देखील भरभरून कौतुक करत आहेत. या चित्रपटाने फक्त भारतातच नाही तर संपूर्ण जगभरात करोडो रूपयांची कमाई केली आहे. अवघ्या तीन दिवसात या चित्रपटाने जगभरातून 230 कोटींची कमाई केली आहे.
500 कोटींध्ये तयार झालेल्या या चित्रपटाने प्रदर्शनाच्या पहिल्या दिवशी संपूर्ण जगभरातून 70 कोटी कमावले. तर दुसऱ्या दिवशी या चित्रपटाने 153 कोटी कमावले. तर तिसऱ्या दिवशी 230 कोटी कमावले.
भारतीय बॉक्स ऑफिसवरील ‘पोन्नियिन सेल्वन’चा गल्ला
For the 3-day opening weekend, #PS1 has grossed more than ₹ 230 Crs+ at the WW Box office.. 🔥
— Ramesh Bala (@rameshlaus) October 3, 2022
30 सप्टेंबर रोजी सर्व चित्रपटगृहांमध्ये प्रदर्शित झालेल्या या चित्रपटाने आत्तापर्यंत करोडो रूपयांचा गल्ला जमावला आहे. प्रदर्शनाच्या पहिल्या दिवशी चित्रपटाने 36.5 कोटींची कमाई केली तर शनिवारी या चित्रपटाने 34.60 कोटींची कमाई केली. ‘पोन्नियिन सेल्वन’ने दोन दिवसात सर्व भाषांमध्ये 108.05 कोटींचा गल्ला जमावला आहे. ‘पोन्नियिन सेल्वन’ हिंदी व्यतिरिक्त तमिळ, तेलुगू, कन्नड, मल्याळम भाषांमध्ये प्रदर्शित झाला आहे.
काय आहे चित्रपटाची कथा
‘पोन्नियिन सेल्वन’ चित्रपटाची कथा 10 व्या शतकातील चोल साम्राज्यावर आधारित आहे. यामध्ये कावेरी नदीचा मुलगा ‘पोन्नियिन सेल्वन’ हा भारतीय इतिहासातील सर्वात मोठा शासक होण्यापूर्वीचा राजा चोल बनण्याची कथा दाखवली जाणार आहे. या चित्रपटाला ए आर रहमान याने संगीत दिले आहे. 30 सप्टेंबर 2022 रोजी हा चित्रपट थिएटरमध्ये रिलीज झाला आहे.
हेही वाचा :