बॉलिवूड अभिनेत्री साक्षी तन्वरची आणखीन एक वेब सिरीज प्रेक्षकांच्या भेटीला येणार आहे. या वेबसिरीजमध्ये साक्षी वैज्ञानिकाच्या भूमिकेत दिसणार आहे. चित्रपट निर्माती एकता कपूर लवकरच एका वैज्ञानिक विषयावर वेब सिरीज घेवून येत आहे.
एम ओ एम, म्हणजेच मिशन ओव्हर मार्स असे या वेबसिरीजचे नाव असणार आहे. निर्माती एकता कपूर हिने आपल्या इन्स्टाग्राम अकाउंटवरून या वेबसिरीजचा पोस्टर प्रदर्शित करत वेब सिरीजची घोषणा केली आहे. या पोस्टरवर एकूण ४ महिला दिसत आहेत. त्यानुसार वेब सिरीजची कथा या ४ महिलांभोवती फिरते. या वेब सिरीजमध्ये साक्षी सोबत, मोना सिंह, निधी सिंह आणि पामोली घोष दिसणार आहेत.
वेब सिरीजचे पोस्टर शेअर करताना एकता कपूरने एक पोस्ट शेअर केली आहे. या पोस्टमध्ये एका म्हणते की, आज माझ्या जन्मदिनी मी नव्या वेब सिरीजची घोषणा करत आहे. जवळपास अडीज वर्षांपूर्वीच मी या कथेवर काम करण्याचे ठरविले होते. मंगळ ग्रहावर भारतीय मिशन पोहोचविण्यात महत्वपूर्ण भूमिका साकारलेल्या चार महिलांची कथा या शोमध्ये असणार आहे.