*‘फिटनेस स्नॅकिंग’ म्हणजे थोड्या-थोड्या वेळाच्या अंतराने व्यायाम करणं याला ‘फिटनेस स्नॅकिंग’ असं म्हणतात. ‘फिटनेस स्नॅकिंग’ चे फायदे पुढील प्रमाणे –
*हवा तेवढा वेळ व्यायामास न मिळाल्याने व्यायाम करणे टाळले जाते. नियमित व्यायाम न केल्याने आरोग्यावर त्याचा परिणाम झाल्याचे दिसते. स्नॅकिंगअंतर्गत जीममध्ये जाऊन दोन-तीन तास सलग व्यायाम करण्यापेक्षा काही ठराविक वेळाने व्यायाम करणे याचा समावेश यात होतो. त्यामुळे वेळेचे कोणतेही कारण न देता व्यायाम हा होतोच.
*स्नॅकिंगअंतर्गत नियमित व्यायाम होत असल्याने हृदयरोग, सांधेदुखी आणि रक्तदाब अशा आजारांपासून बचाव करता येतो.
*रोजच्या ठरलेल्या दिनचर्येमध्ये कोणताही बदल न करता, त्या वेळापत्रकात काही वेळाच्या अंतराने टप्प्यांमध्ये व्यायाम करणे शक्य होतं. एकाच वेळी सलग व्यायाम केल्याने येणारा थकवा कमी होऊन, काही वेळाच्या अंतराने केलेल्या व्यायामाने मन प्रसन्न राहण्यास मदत होते.
*पंधरा मिनिटे जोरात चालणे किंवा पायर्‍यांची चढ-उतार करण्यासारखे सोपे व्यायाम केल्याने हृदयाचे ठोके वाढण्यास मदत होते. छोट्या-छोट्या टप्प्यात करता येण्यासारखे हे व्यायाम प्रकार रोज केल्यास हृदयातील रक्तपुरवठा आणि रक्ताभिसरण प्रक्रिया सुरळीत होण्यास मदत होते. असे व्यायाम करण्यास ठरवून वेगळा वेळ काढण्याची आवश्यकता भासत नाही.
*उत्तम आरोग्यासाठी आठवड्याला साधारण 150 मिनिटे चांगला व्यायाम करणे अपेक्षित असते. छोट्या टप्प्यात करता येण्यासारखे हे व्यायाम प्रकार करण्यासाठी तुम्ही तुमच्या सहकार्‍यांना प्रोत्साहित करू शकता.
*तासन्तास व्यायाम करणं कंटाळवाणं वाटत असल्यास स्नॅकिंग हा उत्तम पर्याय आहे. हा पर्याय अमलात आणल्यास शारीरिक आणि मानसिकदृष्ट्या सक्षम राहण्यास मदत होते.
*स्नॅकिंग करताना चालण्याच्या व्यायामाबरोबरच जॉगिंग, स्कॉट्स यांसारख्या व्यायामप्रकारावरही भर द्या. योग्य ती काळजी घेऊन स्नॅकिंग केलं, तर तुम्ही आरोग्यदायी आयुष्य नक्की जगू शकता.
