मराठी हिंदू नववर्षाची सुरूवात म्हणजे गुढीपाडवा हा सण. गुडीपाडव्याच्या दिवशी गुढी उभारताना त्याला साखरेच्या माळेसह कडूलिंबाची पाने लावली जातात. याच दिवशी पुरण किंवा साखर-गुळासोबत कडूलिंबाची पाने खाल्ली जातात. आपले सण-उत्सव आणि परंपरा आरोग्यदायी संदेश देत असतात. याच कडूलिंबाचे नेमके कोणते फायदे आहेत जाणून घेऊया..
- कडूलिंबाची काही पाने सुकवून वाटून त्याची पावडर बनवून त्यात चंदन पावडर आणि गुलाबपाणी मिक्स करून फंगल इंफेक्शन झाल्यास फायद्याचे ठरते.
- एक ग्लास पाण्यात ३ कडूलिंबाची पाने टाकून पाणी उकळून त्यात चमचाभर मध घाला आणि त्या पाण्याने गुळण्या केल्यास घसादुखी दूर होईल.
- गरम पाण्यात कडूलिंबाची पाने ३० मिनिटे ठेवून त्यानंतर त्या पाण्याने अंघोळ केल्यास शरीराची दुर्गंधी आणि इंफेक्शन दूर होण्यास मदत होईल.
- मधुमेह नियंत्रित करण्यासाठी एक परिणामकारक आणि नैसर्गिक उपाय म्हणजे कडूलिंब. उत्तम परिणामांसाठी रोज सकाळी रिकाम्या पोटी एक चमचा कडूलिंबाचा रस प्यायल्याने फायदेशीर ठरते.
- कडूलिंबाची काही पाने वाटून त्याची पेस्ट बनवून ती खोबरेल तेलात मिक्स करा. केसांना हे तेल लावून १५-२० मिनिटांनी केस स्वच्छ धुतल्याने कोंडा कमी होऊन केसगळतीही दूर होण्यास मदत होईल.
- कडूलिंबाची पानं बारीक करून दही आणि मुल्तानी मातीमध्ये मिसळून पेस्ट बनवा. हा पॅक चेहऱ्यावर लावल्यास चेहऱ्यावरी डाग काही दिवसांतच नाहीसे होतात.
- जर आपल्याला पोटाच्या समस्या असतील, पोट साफ होत नसेल तर निंबोणी खावी, पोट साफ होईल. रक्त स्वच्छ होईल आणि भूकही चांगली लागेल