बऱ्याचदा सकाळी ऑफिसला जाताना किंवा कामावरुन सायंकाळी घरी आल्यानंतर नाश्ता काय करावा असा प्रश्न पडतो. अशावेळी तुम्हाला चमचमीत खायचे असल्यास ‘स्टफ्ड इडली रेसिपी’ नक्की ट्राय करा.
साहित्य
- Advertisement -
- दोन ते अडीच कप इडली पीठ
- थोडेसे तेल
- सारणासाठी लागणारे साहित्य
- ३/४ कप ताजा खवलेला नारळ
- २ टिस्पून काजू तुकडा
- २ टिस्पून बेदाणे
- २ टिस्पून मिरची – कोथिंबीर पेस्ट
- १/२ टिस्पून लिंबाचा रस
- चवीपुरते मीठ
कृती
सारणासाठी दिलेले सर्व साहित्य मिक्स करावे. इडली स्टॅण्डला तेलाचा हात लावावा. त्यानंतर इडलीच्या कुकरमध्ये तळाला २ अडीच इंच पाणी गरम करण्यास ठेवावे. इडलीचे कप्पे अर्धे भरावेत. त्यात नारळाचे सारण पेरा आणि इडलीचे पीठ घालावे. त्यानंतर १५ मिनिटे इडल्या वाफवाव्यात आणि ५ मिनिटांनी कुकर उघडून इडल्या काढाव्यात. तसेच गरमच सर्व्ह कराव्यात. या साहित्यांनी १५ मध्यम आकाराच्या इडल्या बनतील.
