बारामतीने मराठवाड्याचं पाणी पळवलं; देवेंद्र फडणवीसांच्या आरोपावर अजित पवारांचे प्रत्युत्तर

पुणे : राज्याचे उपमुख्यमंत्री देवेंद्र फडणवीस (Devendra Fadnvis) यांनी मराठवाड्याच्या वाट्याचं पाणी बारामतीत अडले होते, ते पाणी पुन्हा मराठवाड्याच्या वाट्याला देण्याचे काम आम्ही करत आहोत, असे विधान करत फडणवीस यांनी पवार कुटुंबावर आरोप केला. यानंतर विरोधी पक्षनेते अजित पवार (Ajit Pawar) फडणवीसांच्या आरोपाला सडेतोड उत्तर दिले आहे. (Baramati drained the water of Marathwada; Ajit Pawar’s response to Fadnavis’s allegation)

अजित पवार म्हणाले की, बारामतीने कोणतेही पाणी अडवले नाही. कृष्णा-भीमा स्थिरीकरणाच्या संदर्भात देवेंद्र फडणवीसांनी वस्तुस्थिती सांगणे गरजेचे आहे. पाणी देत असताना विलासराव देशमुख यांच्या नेतृत्वाखाली सध्याच्या नामांतर झालेल्या छत्रपती संभाजीनगर याठिकाणी बैठका झाल्या. तेव्हा महाराष्ट्र कृष्णा विकास महामंडळच्या अधिकारात येणारं मराठवाड्याचं हक्काचं पाणी, उस्मानाबाद आणि बीडला देण्यासंदर्भात निर्णय झाला, अशी माहिती अजित पवार यांनी दिली.

ब्रेकिंग आणि हेडलाईनसाठी अशी वक्तव्ये

अजित पवार म्हणाले की, निरेचं पाणी चंद्रभागेस न जाता इंदापूरमधील एका बोगद्याद्वारे उजनीत आलं. उजनीतून उचलून मराठवाड्याच्या हक्काचं पाणी देण्याचा निर्णय झाला. बोगद्याचं काम होण्यास वेळ लागतो. त्यात बारामतीचा काय संबंध? असा प्रश्न अजित पवार यांनी उपस्थित करत फडणवीसांना प्रत्युत्तर दिले. ते म्हणाले की, बारामतीचं नाव घेतलं की, वेगळं महत्त्व प्राप्त होत. त्यामुळे अशी विधान ब्रेकिंग आणि हेडलाईनसाठी केली जातात.