पुणे : डीआरडीओचे माजी संचालक वरिष्ठ शास्त्रज्त्ज्ञ डॉ. प्रदीप कुरुलकर यांची पॉलिग्राफ आणि व्हाइस लेयर चाचणी करण्यास नकार दिला. पुणे न्यायालयाकडे एटीएसने याचिकेद्वारे मागणी केली होती. हनी ट्रपमध्ये अडकलेले डीआरडीओचे संचालक आणि वरिष्ठ डॉ. प्रदीप कुरुलकर यांनी पाकिस्तानी हेराला देशाची गोपनीय माहिती दिली होती. याप्रकरणी ते अटकेत आहेत.(Pradeep Kurulkars Refusal to Take Polygraph Test Vice Layer Judgment of Pune Court)
विशेष न्यायाधीश व्ही.आर. कचरे यांनी शनिवारी एटीएसची याचिका अर्ज फेटाळून लावली आहे. ज्याने कोर्टाला पॉलीग्राफ चाचणी, व्हॉइस लेयर आणि मानसशास्त्रीय विश्लेषण चाचणीसाठी कुरुलकर यांची संमती घेण्याची विनंती केली होती.
पुण्यातील डिफेन्स रिसर्च अँड डेव्हलपमेंट ऑर्गनायझेशन (DRDO) शी संलग्न असलेल्या प्रयोगशाळेचे तत्कालीन संचालक कुरुलकर यांना 3 मे रोजी अधिकृत गुप्तहेर कायद्यांतर्गत पाकिस्तानी गुप्तचरांना गुप्त माहिती लीक केल्याच्या आरोपाखाली अटक करण्यात आली होती.
बचाव पक्षाचे वकील हृषिकेश गानू यांनी युक्तीवाद केला की, आरोपीला या चाचण्या करण्यास भाग पाडले जाऊ शकत नाही आणि असा युक्तिवाद केला की संपूर्ण प्रकरण टेलिफोन कम्युनिकेशन्स आणि इलेक्ट्रॉनिक गॅझेट्सवर आधारित आहे, जे एटीएसच्या ताब्यात आहेत.
डॉ. कुरुलकारांनी याआधीच दिला होता नकार
डॉ. कुरुलकर यांनी या दोन्ही चाचण्या करण्यास नकार दिला होता. पॉलिग्राफ चाचणीसाठी आरोपीची परवानगी गरजेची असते. मात्र, व्हाइस लेयर चाचणीसाठी आरोपीची परवानगी गरजेची नसते. आरोपी तपासास सहकार्य करीत नाही. त्यामुळे न्यायालयाने व्हाइस लेयर चाचणीसाठी परवानगी द्यावी, असा युक्तिवाद विशेष सरकारी वकील विजय फरगडे यांनी केला. त्यावर न्यायालयाने एटीएसच्या अधिकाऱ्यांना व्हाइस लेअर ॲनॅलिसिस चाचणी म्हणजे काय, ती कशासाठी केली जाते, यापूर्वी ही चाचणी कोणाची झाली आहे का, अशी विचारणा एटीएसच्या अधिकाऱ्यांकडे केली.
हेही वाचा : राज्यातील आदिवासीबहूल शाळांमधील विद्यार्थी होणार हायटेक; ‘नमो’ कार्यक्रमांतून मिळणार गती
वैयक्तिक स्वातंत्र्यात हस्तक्षेप नको
सर्वोच्च न्यायालयाच्या निकालाचा दाखला देत न्यायालयाने म्हटले आहे की, गुन्हेगारी प्रकरणांच्या तपासाच्या संदर्भात कोणत्याही व्यक्तीला कोणत्याही तंत्राच्या अधीन केले जाऊ नये, हा पूर्णपणे स्पष्ट आणि व्यवस्थित कायदा आहे. न्यायालयाच्या म्हणण्यानुसार, असे करणे वैयक्तिक स्वातंत्र्यात अवाजवी हस्तक्षेप ठरेल, असे म्हटले आहे.
हेही वाचा : रझाकारांप्रमाणे ‘सजा’ कारांना शिक्षा द्या; मराठवाडा मुक्तिसंग्रामनिमित्त राज ठाकरेंची पोस्ट, म्हणाले…
यासाठी केले जाते पॉलिग्राफ, व्हाइस लेयर चाचणी
जेव्हा पोलिसांकडे एखाद्या गुन्ह्याची माहिती आहे. गुन्हेगारही आहे आणि काही पुरावेसुद्धा. गुन्हा सिद्ध करण्यासाठी पुरावे पुरेसे नाहीत. ते पुरावे कोर्टात टिकतील की नाही, याची जेव्हा शाश्वती नसते. तेव्हा पोलीस मधल्या मिसिंग लिंक्स जोडायला या टेस्ट्सचा आधार घेतात. तसेच एक पक्की केस तयार करतात. त्यावेळी पॉलिग्राफ टेस्टचा आधार घेतला जातो.
