मुंबईत गेल्या २४ तासांत ९७९ नव्या रूग्णांची नोंद झाली असून ४७ जणांचा कोरोनामुळे मृत्यू झाला आहे. त्यामुळे आतापर्यंत कोरोनाबाधितांची एकूण संख्या १ लाख २८ हजार ५५० इतकी झाली आहे. यापैकी आतापर्यंत १ लाख ८६१ जणांवर उपचार करून डिस्चार्ज देण्यात आला असून सध्या १९ हजार ३५४ इतके अॅक्टिव्ह केसेस मुंबईत आहेत. तर ७ हजार ३५ जणांचा कोरोनामुळे आतापर्यंत मृत्यू झाला आहे, अशी माहिती मुंबई महापालिकेने दिली आहे.
979 new #COVID19 cases and 47 deaths reported in Mumbai today. Total number of cases now at 1,28,550 including 1,01,861 recovered/discharged cases, 19,354 active cases and 7,035 deaths: Brihanmumbai Municipal Corporation (BMC) #Maharashtra pic.twitter.com/3nu7MoS5MD
— ANI (@ANI) August 14, 2020
दरम्यान, राज्यात गेल्या २४ तासांत १२ हजार ६०८ नवे कोरोनाबाधित रुग्ण आढळले असून आज ३६४ रुग्णांचा कोरोनामुळे मृत्यू झाला आहे. राज्यातील आजपर्यंत तपासण्यात आलेल्या ३० लाख ४५ हजार ८५ नमुन्यांपैकी ५ लाख ७२ हजार ७३४ जणांचे रिपोर्ट पॉझिटिव्ह आले आहेत. तसेच दिलासादायक बाब म्हणजे गेल्या २४ तासांत राज्यात १० हजार ४८४ रुग्ण बरे होऊन घरी गेले असून आतापर्यंत ४ लाख १ हजार ४४२ रुग्ण कोरोनामुक्त झाले आहेत.
हेही वाचा –
महाराष्ट्राला पाच ‘राष्ट्रपती पोलीस पदक’; राज्यातील ५८ पोलिसांचा गौरव
