फुटबॉल हा जरी एक सांघिक खेळ असला तरी प्रत्येक संघात एक असा खेळाडु असतो ज्याच्यावर संघाची सारी नाव अवलबूंन असते. चलातर पाहूया वर्ल्डकप २०१८ मधील काही प्रमुख खेळाडू.
फुटबॉल विश्वचषक २०१८
1 या 15
अँटोनी ग्रिएझमान (फ्रान्स)-
अॅटलेटिको माद्रिदचा स्टार खेळाडू अँटोनी ग्रिएझमान वर्ल्डकपमध्ये कशी कामगिरी करतो यावर सगळ्यांच्या नजरा असून तो फ्रान्सकडून फॉरवर्ड प्लेयर म्हणून खेळणार आहे.
हॅरी केन (इंग्लंड)-
इंग्लंडचा कर्णधार हॅरी केन सध्या जगातील टॉप स्ट्रायकर्सपैकी एक आहे. या वर्ल्डकपमधील इंग्लंडचा सर्व खेळ हा केनच्या कामगिरीवर अवलंबून असणार आहे.
जेम्स रॉड्रिगेझ (कोलंबिया)-
२०१४ च्या वर्ल्डकपमधील जेम्सची कामगिरी नक्कीच वाखाणण्याजोगी होती. यावर्षी जेम्सचा खेळ कोलंबियाला कितपत फायद्याचा ठरतो हे पहाण्याजोगे असेल.
रॉबर्ट लेवान्डोव्हस्की (पोलंड)-
पोलंडच्या सर्वाधिक गोलस्कोरर पैकी एक असणाऱ्या लेवान्डोव्हस्कीच्या या कपमधील कामगिरीवर पोलंडचे वर्ल्डकपमधील भवितव्य अवलंबून असणार आहे.
इस्को (स्पेन)-
स्पेन नेहमीच आपल्या मिड-फिल्डर्सच्या खेळासाठी फेमस आहे. आंद्रेस इनिएस्टा सारख्या दिग्गजानंतर आता मिड-फिल्डची धुरा इस्कोवर आहे. त्याचा या कपमधील खेळ नक्कीच पाहाण्याजोगा आहे.
केयलर नवास (कोस्टा रिका)-
जगातील टॉप गोलकीपर्समध्ये नवास याचे नाव घेतले जाते. त्याच्या उत्कृष्ट गोलकीपींगमुळे तो सध्या चर्चेत आहे, त्याच्या गोलकीपिंगचा कोस्टा-रिकाला वर्ल्डकपमध्ये फायदा होईल हे नक्की
टोनी क्रूस (जर्मनी)-
रिअल माद्रिद या क्लबच्या फुटबॉल संघाकडून खेळणारा क्रूसची डॉमेस्टीक आणि इंटरनॅशनल दोन्हीकडील कामगिरी अप्रतिम आहे. गतवर्षीचे विजेते जर्मनी संघाचे कर्णधारपद क्रूसकडे आहे.
ल्युका मोड्रिक (क्रोएशिया)-
देशोधडीला लागल्याने निर्वासितांच्या छावणीत बालपणातील काही काळ व्यतीत केलेल्या ल्युका मोड्रिकने आपल्या खेळामुळे फुटबॉल विश्वात आपली वेगळी जागा निर्माण केली आहे. ल्युका मोड्रिक यंदाच्या विश्वचषकात क्रोएशियाचे नेतृत्व करणार आहे.
इगोर अकिनफीव (रशिया)-
यजमान संघ रशिया जरी जागतिक क्रमवारीत उत्तम नसला तरी यजमान संघ म्हणून त्यांना स्पर्धेत खेळता येणार आहे. अशावेळी रशियाचा गोलकिपर इगोर अकिनफीव संघाच्या कर्णधारपदाची धुरा सांभाळणार असून संघाची सर्व जबाबदारी त्याच्यावर असणार आहे.
मोहम्मद सलाह (इजिप्त)-
सलाहने इजिप्तकडून खेळत गेल्या काही वर्षात जागतिक फुटबॉलमध्ये आपले वेगळे स्थान निर्माण केले आहे. लिव्हरपूल क्लबकडून खेळताना मोहम्मद सलाहने अप्रतिम कामगिरी केली आहे.
एमिल फोर्सबर्ग (स्वीडन)-
स्वीडनचा स्टार असणाऱ्या इब्राहिमोव्हिकला मागे टाकत एमिल फोर्सबर्ग हा स्वीडनचा स्टार बनला आहे. त्याने क्वालीफाय सामन्यात ४ गोल देखील मारले होते.
लिओनल मेस्सी (अर्जेंटिना)-
जागतिक फुटबॉलमधील लिव्हींग लेजन्ड मानला जाणारा मेस्सीचा हा कदाचित शेवटचा वर्ल्डकप असू शकतो. त्यामुळे सर्वांच्याच नजरा मेस्सीवर असणार आहेत.
एडिसन कवानी (उरुग्वे)-
उरुग्वेचा स्ट्रायकर एडिसन कवानीने आपल्या अप्रतिम खेळामुळे बार्सिलोनाचा स्टार लुईस सुआरेझला मागे टाकले आहे. सध्या उरुग्वेचा स्टार प्लेयर म्हणून त्याच्याकडे पाहिले जाते.
नेयमार (ब्राझील)-
२६ वर्षीय नेयमार ब्राझीलचा मेन प्लेयर असून यावर्षीचा कपवरील ब्राझीलचा दावा नेयमार कसा खेळतो यावर अवलंबून असणार आहे.
