वरळी सिलेंडर स्फोट दुर्घटनेवर महापौरांनी केली महत्वपूर्ण घोषणा

३० नोव्हेंबर २०२१ रोजी वरळी बीडीडी चाळीत सकाळच्या सुमारास गॅस सिलेंडरचा भीषण स्फोट झाला. या दुर्घटनेत पुरी कुटुंबातील विद्या पुरी (२५) यांचा सोमवारी (६ डिसेंबर) मृत्यू झाल्याचे समोर आले. त्यांच्यावर कस्तुरबा रुग्णालयात उपचार सुरू होते. यापूर्वी पुरी कुटुंबातील चार महिन्यांच्या बालकाचा आणि त्यानंतर शनिवारी त्याच्या वडिलांचा मृत्यू झाला होता. त्यामुळे या दुर्घटनेतील मृताची संख्या ३वर पोहोचली. याच पार्श्वभूमीवर मुंबईच्या महापौर किशोरी पेडणेकर यांनी पत्रकार परिषद घेऊन या दुर्घटनेमुळे अनाथ झालेल्या ५ वर्षांच्या मुलाची जबाबदारी शिवसेना घेणार असल्याचे सांगितले.