होळी म्हटलं की रंग हे आलेच. या रंगात रंगण्याचा मोह अनेकांना आवरत नाही. त्यामुळे अनेक जण आनंदाने मनसोक्त रंगाचा आणि पाण्याचा आनंद घेत होळी खेळतात. तसेच या क्षणाचे फोटो काढण्याचा अनेक तरुण-तरुणींना मोह आवरत नाही त्यामुळे मोबाईल हा वापरलाच जातो. परंतु फोटो काढताना अचानक मोबाईल रंगात अथवा पाण्यात पडल्यास आनंदावर विरजन पडते. मनोसक्त रंग खेळताना किंवा पाण्यात भिजताना आपलं सगळं लक्ष आपल्या मोबाईल फोनकडे असते. मात्र अशा काही टीप्स आहेत. ज्यामुळे तुमच्या रंगाचा बेरंग न होता मनोसुक्त आनंदाने होळी खेळून फोटो देखील काढू शकता.
- रंगपंचमीच्या दिवशी बाहेर पडताना मोबाईलसाठी वॉटरप्रूफ कव्हर वापराव.
- मोबाईल पाण्यात पडल्यास तो ताबडतोब बाहेर काढून लगेचचं स्विच ऑफ करा. ओला मोबाईल पुन्हा सुरु करण्याचा प्रयत्न करु नका.
- मोबाईलमध्ये पाणी गेले असेल तर सर्वप्रथम सिमकार्ड, मेमरी कार्ड काढून घ्या. त्यानंतर मोबाईल कव्हर, स्क्रीन कव्हर वेगळे करा.
- मोबाईलचे भाग वेगळे काढल्यानंतर प्रत्येक भाग कोरड्या कापडानं आणि हलक्या हातानं पुसून घ्या. कोणत्याही भागावर पाण्याचा अंशही राहणार नाही, याची काळजी घ्या.
- मोबाईल ओला झाल्यानंतर तांदळाच्या हवाबंद डब्यात ठेवा. दोन दिवस मोबाईल तांदळाच्या डब्यात ठेवल्यास कोरडा होतो.
अनेकदा भिजलेला मोबाईल काही वेळात सुरु होतो. त्यावेळी सर्वप्रथम त्यातील महत्त्वाचा बॅकअॅप घेऊन ठेवा. कारण भिजलेला मोबाईल कधीही डेड होण्याची शक्यता असते.
ही चूक करु नका
- मोबाईल पाण्यात भिजल्यानंतर त्याला कडक उन्हात कधीही ठेवू नका.
- मोबाईल कधीही हेअर ड्रायरनं वाळवू नका. ड्रायरमधील हवा अतिशय गरम असते, त्यामुळे फोनमधील सर्किट वितळू शकतात. त्यामुळे मोबाईल कायमचा खराब होण्याची शक्यता वाढते.
- ओला मोबाईल चार्ज करण्याचा प्रयत्न करु नका, असे केल्यास शॉर्ट सर्किट होण्याची शक्यता असते.
वाचा – या टिप्स वापरून त्वचा आणि केसांना ठेवा होळीच्या त्रासापासून दूर!
वाचा – होळी खेळताना घ्या त्वचेची काळजी
