देशात सध्या कोरोनातून बऱ्या होणाऱ्या रुग्णांना म्युकरमायकोसिस हा बुरशीजन्य आजार होत आहे. सामान्यपणे या आजाराला ब्लॅक फंगस म्हणूनही ओळखले जाते. महाराष्ट्रात म्युकरमायकोसिसच्या रुग्णांचे प्रमाण सर्वाधिक असल्याचे समोर आले आहे. जागरुकता आणि लवकर निदान झाल्यास म्युकरमायकोसिस या बुरशीजन्य आजाराचा प्रसार कमी होण्यास मदत होईल, असे केंद्रीय आरोग्यमंत्री डॉ. हर्षवर्धन यांनी सांगतले आहे. म्युकरमायकोसिस म्हणजे काय, त्याची लक्षणे काय आहेत. म्युकरमायकोसिसचा संसर्ग झाल्यास काय काळजी घ्यावी आणि काय करु नये याविषयी काही महत्त्वाची माहिती त्यांनी ट्विटद्वारे दिली आहे. जाणून घेऊया काय म्हणाले केंद्रीय आरोग्यमंत्री
#Mucormycosis, commonly known as ‘#BlackFungus‘ has been observed in a number of #COVID19 patients recently.
Awareness & early diagnosis can help curb the spread of the fungal infection. Here’s how to detect & manage it #IndiaFightsCorona @MoHFW_INDIA pic.twitter.com/lC6iSNOxGF
— Dr Harsh Vardhan (@drharshvardhan) May 14, 2021
म्युकरमायकोसिस म्हणजे काय?
म्युकरमायकोसिस हा एक बुरशीजन्य आजार आहे. वैद्यकीय आरोग्य समस्या असलेल्यांना हा आजाराचा सर्वाधित धोक संभवतो. या आजारामुळे रोगाशी लढण्याची नैसर्गिक शक्ती कमी होते. हा आजार फार दुर्मिळ आहे. मात्र महाराष्ट्रात काही दिवसांपासून त्याचे रुग्ण वाढत आहेत. त्यामुळे म्युकरमायकोसिसचे योग्यवेळी निदान होणे गरजेचे आहे. त्याचप्रमाणे लोकांमध्ये जनजागृती करणेही तितकेच महत्त्वाचे असल्याचे आरोग्यमंत्र्यांनी सांगितले.
म्युकरमायकोसिस कोणाला होतो?
वैरिकानाझोल थेरपी घेणाऱ्या व्यक्तीला त्याचप्रमाणे अनियंत्रित डायबिटिज असलेले रुग्ण, रक्तात साखरेचे प्रमाण वाढले असेल किंवा उपचारांदरम्यान स्टिरॉइड दिलेल्या रुग्णांमध्ये किंवा बरेच दिवस ICUमध्ये उपचार घेतलेल्या रुग्णांना म्युकरमायकोसिसचा संसर्ग होण्याची शक्यता आहे, असे आरोग्यमंत्र्यांनी सांगितले.
डोळ्यांभोवती वेदना होणे किंवा डोळे लाल होणे, ताप येणे, डोकेदुखी,खोकला,श्वास घेण्यास त्रास होणे, रक्ताच्या उलट्या होणे, मानसिक स्थिती बदलणे ही म्युकरमायकोसिसची लक्षणे असल्याचे आरोग्यमंत्र्यांनी सांगितले.
म्युकरमायकोसिसपासून वाचण्यासाठी काय कराल?
- कोरोनातून बरे झाल्यानंतर सतत रक्तातीतल ग्लोकोजचे प्रमाणे पाहत रहा. त्याचबरोबर डायबेटिज असलेल्या रुग्णांनीही रक्तातील ग्लोकोजचे प्रमाण तपासत राहणे महत्त्वाचे आहे.
- स्टिरोइ़डचा योग्य वापर करा. दररोज पिण्यासाठी शुद्ध पाण्याचा वापर करा
- नाक,डोळ्यांसंबंधी कोणतीही लक्षणे दिसल्यास त्वरित डॉक्टरांचा सल्ला घ्या. म्युकरमायकोसिसची लक्षणे दिसल्यास त्याकडे दुर्लक्ष करु नका.
- नाकाच्या बाबततीत कोणतेही लक्षण दिलसे तर त्वरित डॉक्टरांशी संपर्क साधा. कारण म्युकरमायकोसिसची सुरुवात नाकापासून होते.
- म्युकरमायकोसिस झाल्यास त्वरित सुरु करा त्यात जास्त वेळ घालवू नका, असे केंद्रीय आरोग्य मंत्र्यांनी सांगितले आहे.
हेही वाचा – Corona Vaccine: देशात लसीकरणाला वेग येणार, भारत बायोटेकची ‘कोव्हॅक्सिन’चा फॉर्म्युला शेअरींगची तयारी