कोरोना साथीच्या आजारामुळे गेल्या अडीच महिन्यांपासून क्रिकेटला ब्रेक लागला आहे. यावेळी, जगभरातील क्रिकेटपटू सोशल मीडियाच्या माध्यमातून आपल्या चाहत्यांशी संवाद साधून जुन्या काळाची आठवण उजाळा देत आहेत. अशा परिस्थितीत बर्‍याच क्रिकेटर्सनी काही मनोरंजक खुलासे केले आहेत. आता इंग्लंडचा माजी वेगवान गोलंदाज टिम ब्रेसनन यांचेही नाव या यादीत समाविष्ट झाले आहे.
पंच रॉड टकर आणि मला यांना जिवे मारण्याची धमकी देण्यात आली – ब्रेसनन
२०११ च्या कसोटी सामन्यात सचिन तेंडुलकरला एलबीडब्ल्यू केल्यावर पंच रॉड टकर आणि मला जिवे मारण्याची धमकी दिली होती. तुमच्या माहितीसाठी सांगतो की, कसोटीत सचिन आंतरराष्ट्रीय क्रिकेटमध्ये १०० शतके पूर्ण करणार होता. परंतु ९१ धावांवर ब्रेस्ननने सचिनला एलबीडब्ल्यू करून बाद केले. तथापि, हा अगदी जवळचा निर्णय होता. कारण टीव्हीच्या रिप्लेमध्ये चेंडू लेग स्टंपच्या वरच्या बाजूला लागला हे स्पष्टपणे दिसून आले होते.
ब्रेसनन म्हणाले, त्या कसोटी मालिकेत कसला ही रिव्ह्यू झाला नाही. कारण त्यावेळी भारतीय क्रिकेट नियामक मंडळ त्या विरोधात होता.” ओव्हल मैदानावर खेळल्या जाणार्‍या कसोटी मालिकेचा हा शेवटचा सामना होता. त्यावेळी आंतरराष्ट्रीय क्रिकेटमध्ये सचिनने ९९ शतके केली होती.
सचिन ज्या चेंडूत आऊट झाला तो लेग स्टंपच्या बाहेर जात होता, परंतु पंच टकरने त्याला आउट दिले. त्यावेळी बहुधा तो ८० किंवा ९० धावांवर फलंदाजी करत होता. त्या सामन्यात नक्कीच त्याने शतक ठोकले असते. सचिन बाद झाल्यानंतर आम्ही देखील मालिका जिंकली आणि कसोटीत अव्वल क्रमांकावर आलो.
टकरला पोलीस संरक्षण घ्यावे लागले – ब्रेसनन
इंग्लंडकडून २३ कसोटी, ८५ एकदिवसीय आणि ३४ टी -२० आंतरराष्ट्रीय सामने खेळणार्‍या ब्रेस्ननने सांगितले की, त्यानंतर मला आणि पंच रॉड टकरला जिवे मारण्याची धमक्या मिळू लागल्या.
ते म्हणाले, जीवे मारण्याच्या धमक्यांचे सत्र बराच काळ सुरू होता. लोक पंच टकरच्या घरी धमकीचे पत्र पाठवत होते आणि सचिनला कसे आऊट दिले, याविषयी विचारणा करीत होते. काही महिन्यांनंतर मी जेव्हा त्याला भेटलो, तेव्हा त्यांनी मला सांगितले की, त्यांना सुरक्षा रक्षक सोबत ठेवावे लागले. याशिवाय, ऑस्ट्रेलियन पोलीस संरक्षण घ्यावे लागले.
