जम्मू- काश्मीर खोऱ्यात दहशतवाद्यांकडून सामान्य लोकांना लक्ष्य करून अशांतता निर्माण करण्याचे प्रयत्न सुरु आहेत. दरम्यान सुरक्षा दलांनी दहशतवाद्यांवर आपली पकड घट्ट केली आहे. बुधवारी अवंतीपोरामध्ये दोन दहशवाद्यांना ठार करण्यात आले, यानंतर सुरक्षा दलांनी गुरूवारी पुन्हा एकदा शोपियान जिल्ह्यातील हरिपोरा भागात दहशतवाद्यांना घेराव घातला आहे. यावेळी दोन्ही बाजूंनी गोळीबार सुरु आहे. या परिसरात दोन ते तीन दहशतवाद्यांना घेरण्यात आल्याची शक्यता वर्तवली जात आहे.
J&K | Encounter breaks out between security forces and terrorists in the Haripora area of Shopian district.
(Visuals deferred by unspecified time) pic.twitter.com/zR1dtr6mm6
— ANI (@ANI) April 7, 2022
पोलिसांनी दिलेल्या माहितीनुसार, रात्री उशिरा शोपियानच्या हरिपोरा भागात दहशतवाद्यांच्या उपस्थितीची माहिती सुरक्षा दलांना मिळाली. यावेळी एसओजी, आर्मी आणि सीआरपीएफचे संयुक्त पथक त्या भागात तात्काळ पोहोचले आणि त्यांनी दहशतवाद्यांचा शोध सुरू केला. या शोध मोहिमेदरम्यान लपून बसलेल्या दहशतवाद्यांनी सुरक्षा दलांना आपल्या जवळ येताना पाहिले तेव्हा त्यांनी आपला जीव वाचवण्यासाठी त्यांच्यावर गोळीबार सुरू केला. गोळीबार सुरू होताच सतर्क जवानांनीही आपली पोझिशन घेतली आणि दहशतवाद्यांना प्रत्युत्तर देत गोळीबार सुरू केला. दरम्यान, दहशतवाद्यांना आत्मसमर्पण करण्याची संधीही देण्यात आली. मात्र अद्यापही दोन्ही बाजूंनी गोळीबार सुरू आहे.
