महाराष्ट्रामध्ये सणासुदीला उपवासाचे पदार्थ खातो. यासाठी गुलाबाचे चिरोटे हा गोड पदार्थ तुम्ही नाष्टाला म्हणजेच चहा आणि दुधासोबतही खाऊ शकतो. यासाठी चला जाणून घेऊया गुलाबाचे चिरोटे कसे बनवायचे.
गुलाबाचे चिरोटे
साहित्य
- Advertisement -
पाव वाटी तूप
3 वाटी मैदा
अर्धा चमचा मीठ
अर्धा चमचा बेकींग पावडर आणि लाल रंग
कॉर्नफ्लोअर 2 टेबल चमचा
अर्धी वाटी डालडा
कृती
- मैदा, बेकींग पावडर, तूप, मीठ घालून मिश्रण एकत्र करून घेणे.
- मिश्रण एकत्र करून घेतल्यानंतर त्यात थोडा लाल रंग मिक्स करणे.
- तसेच दुधाने पीठ पूर्ण भिजवून घेणे.
- तूप फेसून त्यामध्ये कॉर्नफ्लोअर घालून साठा तयार करावा.
- नंतर त्या पीठाच्या पातळ पोळ्या लाटून घ्या. अशा 9 पोळ्या लाटा.
- त्या पोळीवर साठा पसरवा आणि त्याची गुडांळी करा.
- दुसऱ्या पोळीवर साठा घालून त्याच्या कडेला पहिली गुडांळी ठेवून दुसऱ्या पोळीची गुंडाळी करावी.
- मग तिसऱ्या पोळीवर पुन्हा साठा लावावा आणि पहिली गुडांळी त्यावर ठेवून त्याची परत गुंडाळी करावी.
- अशाप्रकारे बाकीच्या पोळ्याचे गुंडाळी करून घ्या.
- त्यानंतर त्यांना ओल्या कपड्याखाली झाकून थोड्या वेळाने 1 इंच जाडीचे तुकडे करून घ्या.
- कापलेल्या बाजूवर अलगद हाताने चिरोटे लाटून घ्या.
- कढईतील तूप तापल्यावर त्यामध्ये एक एक चिरोटे घाला आणि कढईत टाकल्यानंतर जरा खाली दाबावा.
- विणायची सुई घेऊन पाकळ्या उघडा आणि तूप उडवून तळून घ्या.
- तळून झाल्यावर अगदी गुलाबासारखे दिसतात.
- सर्व गुलाबाचे चिरोटे तळून घ्या. मग साखरेचा पाक बनवून घ्या. तो थोडा चिरोट्यावर घाला.
- सजावटीसाठी त्यावर बदाम पिस्त्याचे तुकडे करून घालावे. चिरोटे गरम असतील तेव्हा घालावे, त्यामुळे चिकटतील.