Corona Update: राज्यात २४ तासांत आढळले ७,९२४ नवे रुग्ण, २२७ जण मृत्यूमुखी!

राज्यात कोरोना विषाणूचा कहर कायम आहे. गेल्या २४ तासांत राज्यात ७ हजार ९२४ नवे कोरोनाबाधित रुग्ण आढळले असून २२७ कोरोनाबाधित रुग्णांच्या मृत्यूंची नोंद झाली आहे. त्यामुळे राज्यातील कोरोनाबाधितांची संख्या लाख ८३ हजार ७२३वर पोहोचली असून यापैकी आतापर्यंत १३ हजार ८८३ जणांचा मृत्यू झाला आहे. तसेच गेल्या २४ तासांत ८ हजार ७०६ रुग्ण बरे होऊन घरी गेले असून आतापर्यंत राज्यात २ लाख २१ हजार ९४४ रुग्ण कोरोनामुक्त झाले आहेत. सध्या राज्यातील कोरोना रुग्ण रिकव्हर होण्याचे प्रमाण ५७. ८४ टक्के एवढे असून मृत्यूदर ३. ८२ टक्के एवढा आहे. तसेच सध्या राज्यात १ लाख ४७ हजार ५९२ रुग्णांवर उपचार सुरू आहेत.

आज पर्यंत तपासण्यात आलेल्या १९ लाख २५ हजार ३९९ प्रयोग शाळा नमुन्यांपैकी ३ लाख ८३ हजार ७२३ (१९.९२टक्के) नमुने पॉझिटिव्ह आले आहेत. सध्या राज्यात ९ लाख २२ हजार ६३७ व्यक्ती होमक्वारंटाईनमध्ये आहेत तर ४४ हजार १३६व्यक्ती संस्थात्मक क्वारंटाईनमध्ये आहेत.

राज्यातील जिल्हा आणि मनपा निहाय रुग्णांचा तपशील पुढील प्रमाणे…