राष्ट्रवादीचे अध्यक्ष शरद पवार कोरोनामुक्त झाले (Sharad Pawar tested Corona Negative ) असून ट्विटच्या माध्यमातून त्यांनी ही माहिती दिली आहे. 25जानेवारी रोजी शरद पवारांना कोरोनाची लागण झाली होती आणि अवघ्या ६ दिवसातच त्यांनी कोरोनावर मात केली आहे. त्यांच्या प्रकृतीसाठी प्रार्थना करण्यांचे त्यांनी आभार मानले आहेत. ‘माझी RT-PCR चाचणी निगेटिव्ह आली असून मी लवकरात लवकर बरा होण्यासाठी प्रार्थना करणाऱ्या आणि मला शुभेच्छा देणारे माझे डॉक्टर, मित्र, सहकारी आणि हितचिंतकांचा मी आभारी आहे’, असे शरद पवारांनी त्यांच्या ट्विटमध्ये म्हटले आहे.
My Covid-19 RT-PCR is Negative today. I am grateful to my Doctors, Friends, Colleagues and Well wishers for all the prayers and wishes for my speedy recovery.
— Sharad Pawar (@PawarSpeaks) January 31, 2022
डॉक्टरांच्या सल्ल्यानुसार शरद पवार यांना मुंबईतील सिल्व्हर ओक या त्यांच्या निवासस्थानी होमक्वारंटाइन करण्यात आले होते. तिथेच त्यांच्यावर उपचार सुरू होते. ट्विटच्या माध्यमातून त्यांनी ही माहिती देत त्यांच्या संपर्कात आलेल्यांनी कोरोना चाचणी करण्याचे आवाहन केले होते. शरद पवारांना कोरोनाची लागण झाल्याने त्यांचे पूर्वनियोजित 7 दिवसांचे सर्व कार्यक्रम रद्द करण्यात आले होते. मात्र आता ते कोरोनामुक्त झाले असून लवकरच पुन्हा नियोजित कार्यक्रमांना हजेरी लावणार आहेत.
हेही वाचा –
