कात्रज घाटातील दरीत शिवशाही कोसळली; दोघांचा मृत्यू

एसटी महामंडळाच्या शिवशाही बसला कात्रज घाटात अपघात झाल्याची घटना घडली आहे. शिंदेवाडी गाव येथे आज दुपारच्या सुमारास शिवशाही बस उलटल्याची माहिती मिळाली आहे. कात्रज घाटातील ५० फूट खोल दरीत शिवशाही कोसळून हा भीषण अपघात घडला आहे. या अपघातात दोघांचा मृत्यू झाला असून २४ प्रवासी जखमी झाल्याची माहिती अद्याप मिळाली आहे. तसेच अपघातातील जखमी प्रवाशांना जवळच्या हॉस्पिटलमध्ये उपचारार्थ दाखल करण्यात आले आहे.

Pune: 2 killed and 24 injured after a state government run bus overturned near Shindewadi village, earlier today. Injured admitted to hospital. #Maharashtra pic.twitter.com/7SEOGIW0vz

— ANI (@ANI) November 25, 2019

अशी घडली घटना

अपघातग्रस्त शिवशाही बस ही पुण्याहून सांगलीच्या दिशेनं चालली होती. या बसमधून ४० प्रवासी प्रवास करत होते. कात्रज घाट ओलांडून शिंदेवाडीकडे जात असताना चालकाचे बसवरील नियंत्रण सुटले आणि बस ५० फूट खोल दरीत कोसळली. अपघाताची माहिती मिळताच अग्निशमन दलाचे जवान घटनास्थळी दाखल झाले आहेत. बचाव कार्य सुरू करण्यात आलं आहे.