पिंपरी चिंचवड शहर भारतीय जनता पार्टीचे जेष्ठ नेते आमदार लक्ष्मण पांडुरंग जगताप (60) यांचे आज सकाळी दीर्घ आजाराने बाणेर येथील ज्युपिटर हॉस्पिटलमध्ये निधन झाले. त्यांच्या मागे पत्नी अश्विनी, कन्या एश्वर्या, बंधू माजी नगरसेवक शंकर आणि विजूअण्णा जगताप असा मोठा परिवार आहे. आमदार जगताप यांच्या निधनाने शहरावर शोककळा पसरली आहे. त्यांच्या निधनांतर देशभरातील अनेक राजकीय नेत्यांनी त्याला श्रद्धांजली वाहिली आहे. (This leaders paid tribute to BJP senior MLA Laxman Jagtap)
पंतप्रधान नरेंद्र मोदी
महाराष्ट्र विधानसभेतील आमदार लक्ष्मण जगताप जी यांच्या निधनाने दुःख झाले .जनकल्याणासाठी तसेच पुणे आणि परिसराच्या विकासासाठी त्यांनी मोठे योगदान दिले.त्यांचे कुटुंबीय आणि समर्थकांप्रती माझ्या शोक संवेदना. ओम शांती.
— Narendra Modi (@narendramodi) January 3, 2023
नगरसेवक, महापौर ते विधिमंडळातील तडफदार प्रतिनिधी म्हणून आपल्या कामाचा ठसा उमटवणारे नेतृत्व काळाने हिरावून नेले आहे, अशा शब्दांत मुख्यमंत्री एकनाथ शिंदे यांनी आमदार लक्ष्मण जगताप यांच्या निधनाबद्दल शोक व्यक्त केला आहे.
चिंचवडचे आमदार लक्ष्मण जगताप यांचे दीर्घ आजाराने निधन झाले आहे, त्यांच्यावर शासकीय इतमामात अंत्यसंस्कार करण्याचे निर्देश मुख्यमंत्री एकनाथ शिंदे यांनी दिले आहेत.
— CMO Maharashtra (@CMOMaharashtra) January 3, 2023
“आमदार जगताप यांनी स्वकर्तृत्वाने कारकीर्द घडवली. पिंपरी-चिंचवडचा विकास हा त्यांचा ध्यास होता. नगरसेवक, स्थायी समिती अध्यक्ष, महापौर म्हणून त्यांनी आपल्या कामाचा ठसा उमटवला. विधिमंडळातही ते आपला मतदारसंघ आणि परिसरातील समस्या, अडचणी यासाठी हिरीरीने काम करत होते. लोकहिताच्या दृष्टीने अनेकदा त्यांनी संघर्षशील भूमिका घेतली. आजारपणाशीही त्यांचा प्रदीर्घ लढा सुरू होता. यातही त्यांनी आपले कर्तव्य बजावताना कुचराई केली नाही. पण नियतीला हे मान्य नसावे आणि आमदार जगताप यांना काळाने हिरावून नेले. हा त्यांच्या परिवारासह, कार्यकर्ते, चाहत्यांसाठी मोठा आघात आहे. जगताप कुटुंबियांना या आघातातून सावरण्यासाठी बळ मिळो, हीच ईश्वरचरणी प्रार्थना. लोकप्रिय आमदार लक्ष्मण जगताप यांना भावपूर्ण श्रद्धांजली”, असेही मुख्यमंत्र्यांनी म्हटले आहे.
उपमुख्यमंत्री देवेंद्र फडणवीस
माझे मित्र आणि सहकारी आमदार लक्ष्मण जगताप यांच्या निधनाचे वृत्त अत्यंत दुःखद आणि मनाला वेदना देणारे आहे, अशी भावना उपमुख्यमंत्री देवेंद्र फडणवीस यांनी व्यक्त केली आहे.
विधानभवनात पीपीई कीट घालून त्यांचे मतदानाला येणे आणि त्यावेळी अत्यंत प्रेमाने मला दिलेली हाक मी कधीच विसरू शकणार नाही. मध्यंतरी प्रकृती सुधारत असताना ते आपल्यात पुन्हा परतणार असा ठाम विश्वास होता. पण आज ही वाईट बातमी आली. मन सुन्न आहे.
ॐ शांति 🙏 pic.twitter.com/cOfZ8WacB1— Devendra Fadnavis (@Dev_Fadnavis) January 3, 2023
“विधानभवनात पीपीई कीट घालून त्यांचे मतदानाला येणे आणि त्यावेळी अत्यंत प्रेमाने मला दिलेली हाक मी कधीच विसरू शकणार नाही. मध्यंतरी प्रकृती सुधारत असताना ते आपल्यात पुन्हा परतणार असा ठाम विश्वास होता. पण आज ही वाईट बातमी आली. मन सुन्न आहे”, असेही देवेंद्र फडणवीस यांनी म्हटले.
माजी मंत्री आणि ठाकरे गटाचे नेते आदित्य ठाकरे
चिंचवड विधानसभेचे आमदार श्री. लक्ष्मण जगताप ह्यांच्या दुःखद निधनाची बातमी समजली. त्यांना भावपूर्ण श्रद्धांजली.
— Aaditya Thackeray (@AUThackeray) January 3, 2023
मनसेने वाहिली लक्ष्मण जगताप यांना श्रद्धांजली
पिंपरी-चिंचवडचे आमदार सन्मा. लक्ष्मण जगताप ह्यांची कर्करोगाशी झुंज अखेर अपयशी ठरली. दुर्धर आजाराशी झुंजतानाही रुग्णशय्येवरून मतदानाचं कर्तव्य पार पाडणारी ही लढवय्यी व्यक्ती आज आपल्यात नाही. स्व. लक्ष्मण जगताप ह्यांना महाराष्ट्र नवनिर्माण सेनेतर्फे भावपूर्ण श्रद्धांजली. 🙏🙏🙏 pic.twitter.com/n8E8dzUXdt
— MNS Adhikrut – मनसे अधिकृत (@mnsadhikrut) January 3, 2023
राष्ट्रवादीचे आमदार धनंजय मुंडे
सर्वसामान्य जनतेचे प्रश्न विधिमंडळात मांडत राजकारण बाजूला ठेवून त्यांची सोडवणूक करण्याचा प्रामाणिक प्रयत्न करणारे आमदार म्हणून ओळख असलेले चिंचवडचे आमदार लक्ष्मण जगताप यांच्या निधनाचे वृत्त दुःखद आहे. मी जगताप कुटुंबियांच्या दुःखात सहभागी आहे. भावपूर्ण श्रद्धांजली. pic.twitter.com/DnWbl4lLcz
— Dhananjay Munde (@dhananjay_munde) January 3, 2023
राष्ट्रवादीचे अध्यक्ष शरद पवार
चिंचवड मतदार संघाचे आमदार लक्ष्मण जगताप यांचे प्रदीर्घ आजराने दुःखद निधन झाले. सर्वसमान्यांच्या प्रश्नांची जाणीव असलेले प्रभावी नेतृत्व आज आपल्यातून हरपले. जगताप कुटुंबीयांच्या दुःखात मी सहसंवेदना व्यक्त करतो व दिवंगत लक्ष्मण जगताप यांना भावपूर्ण श्रद्धांजली. pic.twitter.com/itYzHkjZyK
— Sharad Pawar (@PawarSpeaks) January 3, 2023
भाजपा नेते छत्रपती उदयनराजे भोसले
आमचे मित्र पिंपरीचे भाजपचे आमदार लक्ष्मणजी जगताप यांचे आज वयाच्या ५९ व्या वर्षी दुःखद निधन झाले. त्यांना भावपूर्ण श्रद्धांजली. पिंपरी-चिंचवड शहराच्या यशस्वी वाटचालीत भाऊंनी मोलाचे व भरीव योगदान दिले आहे. जगताप कुटुंबियांच्या व मित्र परिवाराच्या दु:खात आम्ही सहभागी आहोत. pic.twitter.com/3OCy4NdCLA
— Chhatrapati Udayanraje Bhonsle (@Chh_Udayanraje) January 3, 2023
