शिवसेना आणि भाजप नेत्यांमध्ये सुरू असलेले आरोपसत्र सुरूच असून आज भाजप नेते किरीट सोमय्या यांनी पुन्हा एकदा शिवसेनेला लक्ष्य केलं. यावेळी सोमय्या यांनी त्यांना सांताक्रुझ पोलिसांनी नोटीस बजावल्याचे टि्वट केले. पण नोटीशीचे कारण मात्र भलतेच सांगितले. यामुळे सोशल मीडियावर सोमय्या यांच्यावर टीका होत आहे.
Thackeray Sarkar/Police ONE more Case against Me for visiting Ministry Chhagan Bhujabal’s BENAMI Property
ठाकरे सरकार/पोलीसची माझा विरुद्ध आणखी एक नोटीस. छगन भुजबळ यांच्या सांताक्रुझ येथील ‘बेनामी प्रॉपर्टी’ ९ मजली बंगलोची पाहणी केल्याबद्दल माझ्याविरुद्ध गुन्हा दाखल @BJP4India pic.twitter.com/fZ2SIyrQKp
— Kirit Somaiya (@KiritSomaiya) February 17, 2022
सोमय्या यांना सांताक्रूझ पोलिसांची नोटीस आली हे खरे आहे. मात्र ही नोटीस त्यांना कलम 188 अंतर्गत कोरोना नियमांचे उल्लंगन केल्याप्रकरणी बजावण्यात आली आहे. त्याप्रकरणी त्यांच्यावर गुन्हा दाखल करण्यात आला आहे. तसेच 15 दिवसात पोलीस ठाण्यात हजर राहून स्पष्टीकरण द्या अन्यथा कारवाई केली जाईल असे या नोटीशीत सांगण्यात आले आहे.
पण असे असताना सोमय्या यांनी मात्र ही नोटीस छगन भुजबळ यांच्या सांताक्रुझमधील बेनामी प्रॉपर्टीची पाहणी केल्याबद्दल पाठवण्याचे टि्वट मध्ये म्हटले आहे. यामुळे नेटकऱ्यांनी सोमय्या यांना ट्रोल केले आहे.