मुंबईतील कोरोनाबाधितांची संख्या झपाट्यानं खाली आहे. गेल्या अनेक दिवसानंतर मुंबईतील दिवसाला नोंद होणारी कोरोनाबाधितांची संख्या शंभरीपेक्षा कमी झाली आहे. गेल्या 24 तासात मुंबईत 96 कोरोनाबाधितांची नोंद झाली आहे. तसेच मुंबईत नव्या कोरोनाबाधितांच्या संख्येपेक्षा कोरोनावर मात करणाऱ्या रुग्णांची संख्या अधिक आहे. गेल्या २४ तासात 1 कोरोना रुग्णाचा मृत्यू झाला आहे. तर १८८ रुग्णांनी कोरोनावर मात केली आहे. मुंबईत आतापर्यंत 16 हजार 688 कोरोना रुग्णांचा मृत्यू झाला आहे. मुंबईतील कोरोनाबाधितांची संख्या आटोक्यात आणण्यासाठी मुंबई महानगरपालिकेनं ज्या उपाययोजना राबवल्या त्याचा फायदा झाला असल्याचे दिसत आहे.
मुंबईतील कोरोना रुग्ण बरे होण्याचा दर 98 टक्क्यांवर गेल्या महिन्याभरापासून स्थिर राहिला आहे. तर आता कोरोना रुग्णांची दुप्पट होण्याचा दर 3313 दिवसांवर गेला आहे. ही मुंबईकरांसाठी मोठी दिलासादायक बाब आहे मुंबईत गेल्या २४ तासात 96 कोरोना रुग्ण सापडले आहेत यामधील केवळ 17 रुग्णांना रुग्णालयात दाखल करण्यात आले आहे. तर 4 रुग्ण हे अतीजोखमीचे असल्यामुळे त्यांना ऑक्सीजनवर ठेवण्यात आले आहे. मुंबईत सध्या 1 हजार 415 कोरोनाबाधितांवर उपचार सुरु आहेत. मुंईतील कोरोनाबाधितांच्या संख्येत घट झाल्याचे कारण गेल्या २४ तासात कोरोना चाचण्यांमध्ये घट झाली आहे. दर दिवसाला 30 हजारपेक्षा अधिक चाचण्या केल्या जातात सोमवारी केवळ 16 हजार ४७६ कोरोना चाचण्या करण्यात आल्या आहेत.
Mumbai reports less than 100 #COVID19 cases for the first time after 17th April 2020; reports 96 fresh cases and 1 death in the last 24 hours.
Active cases 1415 pic.twitter.com/het78Hhbei
— ANI (@ANI) February 21, 2022
मुंबईत सध्या दीड हजार कोरोनाबाधितांवर उपचार सुरु आहेत. यातील 403 रुग्ण ऑक्सीजन बेडवर उपचार घेत आहेत. मुंबईत आतापर्यंत 1 लाख 055 हजार 657 कोरोनाबाधितांची नोंद झाली आहे. मुंबईतील कोरोनाबाधितांच्या संख्येत घट झाली असून आता मुंबईत एकाही इमारतीला सील करण्यात आले नाही. तसेच मुंबईत हळूहळू निर्बंध शिथील करण्यात येत आहेत.
हेही वाचा : दिशा सालियान आत्महत्या प्रकरणी महापौरांनी पाठवलेल्या पत्राची महिला आयोगाकडून दखल