केनियाचा कॉसमस लॅगट मुंबई मॅरेथॉन २०१९ चा विजेता ठरला आहे. तर महिला गटात इथियोपियाची अलेमू विजयी ठरली आहे. मॅरेथॉनच्या भारतीय गटात आर्मीचे नितेंद्र सिंग रावत विजयी ठरले आहेत. मुंबई मॅरेथॉनला आज सकाळी ५:४० वाजल्यापासून सुरुवात झाली. या मॅरेथॉनची मुख्य स्पर्धा ही ४२ किलोमीटरची होती. दरम्यान, २१ किलोमीटरच्या हाफ मॅरेथॉनमध्ये १४ हजार ४५७ धावपटूंनी सहभाग घेतला होता. हाफ मॅरेथॉनच्या पुरुष गटामध्ये श्रीणू मुगाता यांचा प्रथम क्रमांक आला आहे. तर करण थापा दूसरे आणि कालिदास हिरवे यांचा तिसरा क्रमांक आला आहे. हाफ मॅरेथॉनच्या महिला गटामध्ये मंजू यादव यांचा प्रथम क्रमांक आला. तर साईगिता नाईक यांनी दूसरा तर मिनू यांनी तिसरा क्रमांक पटकावला आहे.
हाफ मॅरेथॉनमध्ये पुरुष गटातून श्रीणू मुगाता यांनी प्रथम क्रमांक पटकावला असून करण थापा दुसऱ्या तर कालिदास हिरवे हे तिसऱ्या क्रमांकावर राहिले. #MumbaiMarathon #SundayMotivation pic.twitter.com/v9a5InrvXh
— My Mahanagar (@mymahanagar) January 20, 2019
दरवर्षीप्रमाणे यंदाही टाटा मुंबई मॅरेथॉनला सकाळपासून सुरुवात झाली. यावर्षी आयोजित केलेल्या मॅरेथॉनचं हे १६ वं वर्ष होतं. मॅरेथॉनमध्ये एकूण ४६ हजार ४१४ धावपटूंनी सहभाग घेतला. टाटा मुंबई मॅरेथॉनसाठी धावपटूंसह त्यांना प्रोत्साहन देण्यासाठी आलेल्या मुंबईकरांमध्ये उत्साहाचं वातावरण पाहायला मिळाले. सकाळी मोजक्या प्रवाशांसह धावणाऱ्या पश्चिम आणि मध्य रेल्वे आज मॅरेथॉनच्या निमित्ताने खचाखच भरुन धावत होत्या. काही हौशी कलाकारच नाही तर अगदी परदेशातून आलेले नागरिक ही मॅरेथॉनमध्ये सहभागी झालेल्या रनर्सला चिअर अप करण्यासाठी दाखल झाले. हेच चित्र दरवर्षीप्रमाणे यंदाही पाहायला मिळालं. फिटनेससाठी नियमित धावणाऱ्या लोकांचा उत्साह वाखणण्याजोगा असतो. तरुण-तरुणींपासून दिव्यांग, ज्येष्ठ मंडळींपर्यंत सर्वच वयोगटातील रनर्सचा या मॅरेथॉनमध्ये सहभाग दिसून आला.
मुंबई मॅरेथॉनला आज पहाटे ५.४० वाजता सीएसएमटीपासून उत्साहात सुरुवात झाली. मरिन ड्राईव्ह परिसरातील मॅरेथॉनचे हे विहंगम दृश्य #MumbaiMarathon #SundayMotivation pic.twitter.com/Sd5gunLzaZ
— My Mahanagar (@mymahanagar) January 20, 2019
मुख्यमंत्री देवेंद्र फडणवीस यांनी केले फ्लॅग ऑफ
मुंबई मॅरेथॉनमध्ये अनेक दिग्गजांनी सहभाग घेतला. उद्योगपती अनिल अंबानींपासून भाजप काँग्रेसच्या नेतेमंडळींनी या मॅरेथॉनमध्ये सहभाग घेतला. दरम्यान, मुख्यमंत्री देवेंद्र फडणवीस यांनी फ्लॅग ऑफ करुन ड्रीम रनची सुरुवात झाली.
मुख्यमंत्री @Dev_Fadnavis यांनी फ्लॅगऑफ करुन ड्रीम रनची सुरुवात केली. यावेळी शिक्षण मंत्री @TawdeVinod, @fadnavis_amruta, अभिनेते @GulshanGroverGG, @AmbaniTina, @ShelarAshish यांचीही उपस्थिती.. #MumbaiMarathon #SundayMotivation pic.twitter.com/N2RRicTpo0
— My Mahanagar (@mymahanagar) January 20, 2019
मेरी कॉमने केले फ्लॅग ऑफ
दरम्यान, सकाळी ७ वाजून २० मुख्य मॅरेथॉनला सुरुवात झाली आहे. या मॅरेथॉनला मेरी कॉमने फ्लॅग ऑफ करुन सुरुवात झाली. या मॅरेथॉनमध्ये मुंबईकरांनी सर्वाधिक प्रमाणात सहभाग घेतला आहे. या मुख्य मॅरेथॉनचा मार्ग सीएसटी ते सीएसटी, व्हाया, फ्लोरा फाऊंटन-वानखेडे स्टेडिअम-बाबूलनाथ मंदिर-जसलोक हॉस्पिटल-महालक्ष्मी-वरळी सी लिंक-माहिम चर्च-सिद्धिविनायक मंदिर-नेहरु सायन्स सेंटर-सीएसटी असा असणार आहे.
मुंबई पोलीसांनी केले ट्वीट
दरम्यान, मॅरेथॉन स्पर्धेमुळे वाहतूक कोंडीची प्रश्न उद्भवू नये यासाठी मुंबई पोलीस कसून मेहनत घेत आहे. वाहतूक कोंडीमुळे मॅरेथॉन स्पर्धेत अडचण यायला नको आणि जे प्रवासी किंवा पर्यटक मुंबई फिरायला आले आहेत, त्यांना वाहतूक कोंडीचा सामना करावा लागू नये, म्हणून मुंबई पोलिसांनी रस्त्यांचे नकाशे ट्विट केले आहेत. या नकाशामध्ये सगळी माहिती दिलेली आहे.
While Mumbai runs for a cause in the Tata Mumbai Marathon 2019, we would not want traffic woes to be a cause of concern for the Mumbaikars! Traffic routes and a few guidelines for everyone reference- pic.twitter.com/A0hoWyPb8L
— Mumbai Police (@MumbaiPolice) January 19, 2019
