मुंबई : मुंबई महापालिका निवृत्तीवेतनधारक, कुटुंब निवृत्तीवेतनधारकांना ‘हयातीचे दाखले’ दरवर्षी सादर करणे बंधनकारक आहे. याचपार्श्वभूमीवर आता माजी महापालिका कर्मचाऱ्यांनी हयातीचे दाखले 6 मेपर्यंत सादर न केल्यास निवृत्ती वेतन स्थगित करण्यात येईल, असे महापालिका प्रशासनातर्फे कळविण्यात आले आहे. (Pension suspended if ex-municipal employees do not submit life certificates by May 6)
1 नोव्हेंबर 2023 ते 5 मार्च 2024 या कालावधीत हयातीचे दाखले सादर न करणाऱ्या निवृत्तीवेतनधारक आणि कुटुंब निवृत्ती वेतनधारकांनी 6 मे 2024 पर्यंत हयातीचे दाखले मुंबई महापालिका मुख्यालयातील लेखा अधिकारी (निवृत्ती वेतन-आय.बी.) विभाग येथे ऑफलाईन पद्धतीने सादर करावेत अथवा, केंद्र शासनाच्या ‘जीवनप्रमाण’ (www.jeevanpramaan.gov.in) या संकेतस्थळाद्वारे ऑनलाइन पद्धतीने सादर करावेत, असे आवाहन मुंबई महापालिका प्रशासनाने केले आहे. मात्र 6 मे 2024 पर्यंत हयातीचे दाखले ऑफलाइन किंवा ऑनलाइन पद्धतीने प्राप्त न झाल्यास मे, 2024 पासूनचे निवृत्तीवेतन/कुटुंब निवृत्तीवेतन तात्पुरत्या स्वरूपात स्थगित करण्यात येईल, याची संबंधीतांनी कृपया नोंद घ्यावी, असे महापालिका प्रशासनातर्फे कळविण्यात आले आहे.
हेही वाचा – Mumbai News: जागतिक वृक्षनगरी बहुमान पटकावण्यात मुंबई महानगराची हॅट्रीक
📢निवृत्तीवेतनधारक, कुटुंब निवृत्तीवेतनधारकांना ‘हयातीचे दाखले’ दरवर्षी सादर करणे बंधनकारक असून दिनांक ०१ नोव्हेंबर २०२३ ते दिनांक ०५ मार्च २०२४ या कालावधीत हयातीचे दाखले सादर न करणा-या निवृत्तीवेतनधारक, कुटुंब निवृत्तीवेतनधारकांनी सोमवार, दिनांक ०६ मे २०२४ पर्यंत हयातीचे दाखले…
— माझी Mumbai, आपली BMC (@mybmc) April 22, 2024
मुंबई महापालिका प्रशासनाने निवृत्ती वेतनधारक, कुटुंब निवृत्त वेतनधारकांच्या हयातीच्या दाखल्यांबाबत महत्त्वपूर्ण सूचना केल्या आहेत. त्यानुसार, निवृत्ती वेतनधारकांनी पूर्णतः भरलेले हयातीचे दाखले ऑफलाइन पद्धतीने प्रमुख लेखापाल (कोषागार) कार्यालय, लेखा अधिकारी (निवृत्तीवेतन-आय.बी.) विस्तारित इमारत, पहिला मजला, मुंबई महापालिका मुख्यालय, महापालिका मार्ग, मुंबई – 400001 या पत्यावर सादर करावेत अथवा, केंद्र शासनाच्या
‘जीवनप्रमाण’ (www.jeevanpramaan.gov.in) या संकेतस्थळाद्वारे ऑनलाईन पद्धतीने सादर करावे, असे आवाहन महापालिका प्रशासनातर्फे करण्यात आले आहे.
हेही वाचा – Mushtaq Antule : विकासकामासाठी राष्ट्रवादी काँग्रेसमध्ये प्रवेश; मुश्ताक अंतुलेंकडून स्पष्टीकरण