परमबीर सिंह यांची बदली करुन त्यांची होमगार्ड विभागात बदली करण्यात आली.
Photo: पोलीस दलातील पद भूषवताना साइडलाईन झालेले पॉवरफुल IPS अधिकारी
मुंबई पोलीसांच्या इतिहासात वेगवेगळ्या घटनामुळे अनेकदा मुंबई पोलीसांची नाच्चकी झाली आहे. सध्या अंबानी यांच्या घराजवळ सापडलेल्या स्फोटक आणि मनसुख हिरेन मृत्यू प्रकरणात सचीन वाझे यांच नाव समोर आल्याने मुंबई पोलीसांवर शंका उपस्थित केल्या. याचा फटका मुंबई पोलीस आयुक्तांना बसला आणि महाविकासआघाडी सरकारकडून परमबीर सिंह यांची उचलबांगडी करण्यात आली. पोलीस विभागात सर्वात कमी महत्वाचा मानल्या जाणाऱ्या होमगार्ड विभागात बदली करण्यात आली. याआधीही अशाच प्रकारे अनेक अधिकाऱ्यांची बदली करण्यात आली आहे. तर जाणून घेऊया पोलीस दलातील पॉवरफुल पद भूषवताना साइडलाईन झालेले IPS अधिकारी.
राकेश मारीया हे १९८१ च्या बॅच चे आयपीएस अधिकारी आहेत. त्यांनी १६ फेब्रुवारी २०१४ रोजी मुंबई पोलीस आयुक्त पदाचा पदभार स्वीकारला होता. शिना बोरा या हायप्रोफाईल हत्येच्या केसमध्ये त्यांनी हस्तक्षेप केल्यानंतर त्यांना मुंबई पोलीस आयुक्तपदावरुन हटवण्यात आलं होतं.
अरुप पटनायक हे १९८१ च्या बॅच चे आयपीएस अधिकारी आहेत. त्यांनी मुंबई पोलीस आयुक्त पदाचा कारभार १ मार्च २०११ ला स्वीकारला होता. मुंबईतील आझाद मैदान येथील दंगलीप्रकरणी त्यांच्यावर कारवाई झाली होती. राज ठाकरे यांच्या मागणीनंतर कारवाई झाल्यामुळे मोठा वाद निर्माण झाला होता.
अहमद जावेद हे १९८० बॅच चे आयपीएस अधिकारी आहेत. राकेश मारिया यांची 8 सप्टेंबर २०१५ रोजी शिना बोरा प्रकरणी बदली झाल्यानंतर त्यांना मुंबई पोलीस आयुक्त पदाची जबाबदारी देण्यात आली.
सत्यपाल सिंग हे १९८० च्या बॅच चे आयपीएस अधिकारी आहेत. २३ ऑगस्ट २०१४ ते ३१ जानेवारी २०१४ या काळात त्यांनी मुंबई पोलीस आयुक्त म्हणून काम पाहिलं आहे. डार्विनचा सिद्धांत नाकारल्याने ते वादात सापडले होते.त्यानंतर त्यांनी भाजपमध्ये प्रवेश करुन लोकसभा निवडणूक लढवण्यासाठी स्वेच्छा निवृत्ती घेत आपल्या पदाचा राजीनामा दिला होता.
