IND vs ENG : कर्णधार कोहलीच्या संघनिवडीवर नजर!

विराट कोहलीच्या कर्णधार म्हणून कारकिर्दीतील सर्वात आव्हानात्मक चार महिन्यांना सुरुवात होत असून भारत आणि इंग्लंड यांच्यातील पाच सामन्यांच्या कसोटी मालिकेतील पहिला सामना बुधवारपासून खेळला जाईल. कोहलीने जागतिक कसोटी अजिंक्यपद स्पर्धेच्या पूर्वसंध्येलाच अंतिम ११ खेळाडूंची घोषणा केली होती. या संघात दोन फिरकीपटूंचा समावेश होता. परंतु, सामन्याच्या पहिल्या दिवस पाऊस पडल्याने दोन फिरकीपटूंसह खेळण्याचा निर्णय फसला. त्यामुळे कोहलीवरही टीका झाली. त्यामुळे आता इंग्लंडविरुद्धच्या कसोटी मालिकेत कोहलीच्या संघनिवडीवर सर्वांची नजर असणार आहे.

चार वेगवान गोलंदाजांना संधी मिळणार?

नॉटिंगहॅमच्या मैदानावर वेगवान गोलंदाजांना नेहमीच मदत मिळते. तसेच या कसोटी सामन्यासाठी वापरण्यात येणाऱ्या खेळपट्टीवर बरेच गवत ठेवण्यात आले आहे. त्यामुळे पहिल्या कसोटीसाठी भारतीय संघात चार वेगवान गोलंदाजांचा समावेश असण्याची शक्यता आहे. मोहम्मद शमीचे संघातील स्थान जवळपास निश्चित आहे. परंतु, इतर तीन जागांसाठी जसप्रीत बुमराह, ईशांत शर्मा, मोहम्मद सिराज आणि शार्दूल ठाकूर यांच्यात स्पर्धा आहे. बुमराहला मागील काही काळात कसोटीत चांगली कामगिरी करता आलेली नाही. मात्र, असे असले तरी कोहली त्याला पहिल्या काही सामन्यांसाठी संघातून वगळण्याची शक्यता कमीच आहे. तसेच फिरकीपटू म्हणून अश्विन आणि रविंद्र जाडेजा यांच्यापैकी कोणाला संधी मिळणार हे पाहणेही महत्त्वाचे ठरेल.

राहुल येणार सलामीला?