उल्हासनगरच्या 11 मुख्य रस्त्यांचे काँक्रिटिकरण

उल्हासनगर शहरातील प्रमुख 11 रस्त्यांचे काँक्रिटिकरण आणि ट्रान्झिट कॅम्प उभारण्यासाठी शासनाकडे 237 कोटी रुपयांची मागणी करणारा प्रस्ताव महासभेत आणला आहे. विशेष म्हणजे या रस्त्यांपैकी तीन रस्ते हे काँक्रिटचे असून सुस्थितीत आहेत. उल्हासनगर महानगरपालिकेतर्फे एकात्मिक विकास रस्ते योजनेअंतर्गत ३३ रस्त्यांचे अंदाजे २० वर्षापूर्वी डांबरीकरण व रुंदीकरण केले होते. त्यानंतर दरवर्षी रस्त्यांवरील खड्डे पावसाळयापूर्वी, पावसाळयानंतर भरण्यात येतात. त्यामुळे शहरातील मुख्य रस्त्यांचा प्रस्ताव तयार करण्यात आला आहे. या प्रस्तावात शहरातील प्रमुख 11 रस्त्यांसाठी 200 कोटी रुपयांची मागणी करण्यात आली आहे.