राज्य बोर्डाचा दहावीचा घसरलेला निकाल, मराठा आरक्षण यामुळे अकरावी प्रवेशाची चिंता विद्यार्थी व पालकांना सतावत होती. परंतु, गुरुवारी संपुष्टात आलेल्या अकरावी ऑनलाईन प्रवेश प्रक्रियेसाठी उपलब्ध 3 लाख 19 हजार 186 जागांसाठी फक्त 1 लाख 85 हजार 477 अर्ज विद्यार्थ्यांनी अर्ज केले आहेत. उपलब्ध जागेपेक्षा फारच कमी अर्ज आल्याने विद्यार्थ्यांना प्रवेश मिळणार याची चिंता संपली असली तरी नामांकित कॉलेजमध्ये प्रवेशाबाबत चिंता कायम आहे. अकरावी प्रवेशाची पहिली गुणवत्ता यादी 12 जुलैला सायंकाळी 6 वाजता जाहीर होणार आहे.
अर्ज भरण्याच्या अखेरच्या मुदतीमध्ये 1 लाख 85 हजार 477 अर्ज आले. यामध्ये राज्य मंडळातील 1 लाख 68 हजार 995 विद्यार्थ्यांनी तर सीबीएसई, आयसीएसई, आयबी, आयजीसीएसई. एनआयओएस आणि इतर मंडळातून 16 हजार विद्यार्थ्यांनी अर्ज केले आहेत. यामध्ये सीबीएसई मंडळातील 5 हजार 969 आणि आयसीएसईमधील 7 हजार 881 विद्यार्थ्यांनी अर्ज निश्चित केला आहे. या प्रवेशासाठी सर्वसाधारण गुणवत्ता यादी 5 जुलै रोजी प्रदर्शित होणार आहे. या यादीतील त्रुटींवर 6 व 8 जुलैपर्यंत आक्षेप नोंदविता येतील. यानंतर 12 जुलै रोजी सायंकाळी 6 वाजता पहिली गुणवत्ता यादी जाहीर होईल. यादीत नावे आलेल्या विद्यार्थ्यांना 13, 15, 16 जुलैपर्यंत प्रवेश घेता येणार आहे.
शाखानिहाय प्रवेश क्षमता – शाखा प्रवेश क्षमता
कला 37,071
वाणिज्य 1,74,046
विज्ञान 1,02,409
एच.एस.व्ही.सी. 5660
एकूण 3,19,186
मंडळनिहाय अर्ज केलेले विद्यार्थी संख्या – मंडळ एकूण अर्ज
एस.एस.सी. 1,68,995
सी.बी.एस.ई. 5,969
आय.सी.एस.ई. 7,881
आय.बी. 07
आय.जी.सी.एस.ई. 908
इन.आय.ओ.एस. 598
इतर 1,119
एकूण 1,85,477
.
विद्यार्थीनिहाय आलेले अर्ज – शाखा एकूण विद्यार्थी
मुली 92220
मुले 93257
एकूण 1,85,477
क्षेत्रनिहाय अर्ज केलेले विद्यार्थी संख्या – क्षेत्र एकूण अर्ज
एमएमआर 176019
ओएमएमआर 7429
ओएमएस 2029
एकूण 1,85,477
