ब्रिटिश राजघराण्याच्या मानाच्या गादीवर गेली सात दशके विराजमान असलेल्या ब्रिटनच्या महाराणी एलिझाबेथ द्वितीय यांचं वृद्धपकाळाने निधन झालं आहे. त्या 96 वर्षांच्या होत्या. गेल्या अनेक दिवसांपासून त्यांची प्रकृती चिंताजनक होती. स्कॉटलंडमधील बाल्मोरल कॅसल या ठिकाणी त्यांनी अखेरचा श्वास घेतला. ब्रिटीश राजघराण्याकडून आणि ब्रिटन सरकारकडून त्यांच्या निधनाच्या वृत्ताला दुजोरा देण्यात आला आहे. महाराणी एलिझाबेथ द्वितीय यांच्या निधनावर जगभरातून शोक व्यक्त केला जात आहे. दरम्यान, आता याबाबत शोक व्यक्त करत भारताचे पंतप्रधान नरेंद्र मोदी यांनी त्यांच्या इंस्टाग्रम अकऊंटवर देखील पोस्ट शेअर करत शोक व्यक्त केल आहे.
पंतप्रधान नरेंद्र मोदी यांनी व्यक्त केल शोक
नरेंद्र मोदी यांनी राणी सोबतच्या मुलाखती दरम्यानचे फोटो शेअर करत लिहिलं की, “2015 आणि 2018 मध्ये यूकेच्या यात्रेदरम्यान माझी एलिझाबेथ द्वितीय यांच्यासोबत भेट झाली. मी त्यांच्या उत्साहाला आणि दयाळू स्वभावाला कधीही विसरू शकत नाही. एका बैठकीदरम्यान त्यांनी मला एक रुमाल दाखवला जो महात्मा गांधींनी त्यांना त्यांच्या लग्नात भेट म्हणून दिला होता.”
I had memorable meetings with Her Majesty Queen Elizabeth II during my UK visits in 2015 and 2018. I will never forget her warmth and kindness. During one of the meetings she showed me the handkerchief Mahatma Gandhi gifted her on her wedding. I will always cherish that gesture. pic.twitter.com/3aACbxhLgC
— Narendra Modi (@narendramodi) September 8, 2022
Her Majesty Queen Elizabeth II will be remembered as a stalwart of our times. She provided inspiring leadership to her nation and people. She personified dignity and decency in public life. Pained by her demise. My thoughts are with her family and people of UK in this sad hour.
— Narendra Modi (@narendramodi) September 8, 2022
तसेच नरेंद्र मोदींनी पुढे लिहिलं की, “महाराणी एलिझाबेथ द्वितीय या आमच्या काळातील दिग्गज म्हणून नेहमीच स्मरणात राहतील. त्यांनी आपल्या देशाला आणि लोकांना प्रेरणादायी नेतृत्व दिले. सार्वजनिक जीवनात त्यांनी प्रतिष्ठा आणि सभ्यता दाखवली. त्यांच्या निधनाने मी दुखावलो आहे.”
त्याचवेळी राष्ट्रपती द्रौपदी मुर्मू यांनी ब्रिटनच्या महाराणी एलिझाबेथ द्वितीय यांच्या निधनावर शोक व्यक्त केला. त्यांनी लिहिलं की, “त्यांनी 7 दशकांहून अधिक काळ आपला देश चालवून एक युग उलटून गेले आहे. मी ब्रिटनच्या लोकांच्या दु:खात सहभागी आहे आणि कुटुंबाप्रती मनापासून संवेदना व्यक्त करते.”