Maharashtra Corona Update : राज्यात मागील २४ तासात ३१८ कोरोनाबाधितांची नोंद, मृत्यू संख्या घटली

राज्यातील दरदिवशी आढळणाऱ्या कोरोना रुग्णांच्या संस्थेत चढ उतार होताना दिसत आहे. राज्यात आज, शुक्रवारी ११ मार्च रोजी ३१८ नव्या कोरोनाबाधित रुग्णांची नोंद करण्यात आली. कालच्या तुलनेत आज रुग्णसंख्या घटली आहे. तर राज्यातील मृत्यूसंख्या देखील घटल्याचे पाहायला मिळाले. काल, गुरुवारी राज्यात ४ रुग्णांचा कोरोनामुळे मृत्यू झाला होता. तर आज केवळ एका रुग्णाचा मृत्यू झाला आहे. सध्याचा राज्यातील मृत्यूदर हा १.८२ टक्के एवढा आहे.

त्याचप्रमाणे राज्यातील कोरोनामुक्त होणाऱ्या रुग्णांची संख्या देखील आज वाढली असून मागील २४ तासात ३५५ रुग्ण बरे होऊन घरी परतले आहेत. राज्यात आतापर्यंत ७७ हजार, १९ हजार ९४९ रुग्ण कोरोनामुक्त झाले आहेत. त्यामुळे राज्यातील रुग्ण बरे होण्याचे प्रमाण म्हणजेच सध्याचा रिकव्हरी रेट हा ९८.०९ टक्के एवढा आहे.

राज्यात सध्या १८ हजार ६३३ व्यक्ती या होम क्वारंटाइन असून ५६६ व्यक्ती संस्थात्मक क्वारंटाइन आहेत. तर राज्यातील सध्याच्या अँक्टिव्ह रुग्णांची संख्या पाहता ही २ हजार ९२५ इतकी आहे. तर राज्यातील ओमिक्रॉन बाधितांची संख्या देखील कमी झाली असून मागील काही दिवसांपासून ओमिक्रॉन बाधितांची नोंद करण्यात आलेली नाही.

राज्यातील जिल्हा निहाय एँक्टिव्ह रुग्णांचा तपशील खालीलप्रमाणे –

हेही वाचा – Coronavirus Cases Today : देशातील कोरोना मृतांची संख्या वाढली; 4194 नवे रुग्ण, 255 मृत्यू