जम्मू काश्मीरच्या रामबन भागात एक भीषण अपघात झाला आहे. या अपघातामध्ये ११ जणांचा दुर्दैवी मृत्यू झाला असून तीन जण गंभीर जखमी झाले आहेत. हे वाहन चंदरकोटहून राजगढकडे जात असताना हा भीषण अपघात झाला आहे. या गाडीवरच्या चालकाचा ताबा सुटल्यामुळे ही गाडी पाचशे फूट खोल दरीत कोसळल्याने हा भीषण अपघात झाल्याचे समोर आले आहे.
#UPDATE: 11 people dead and 3 injured after the vehicle they were travelling in, rolled down a deep gorge at Kunda Mod in Ramban earlier today. The vehicle was going from Chandrakot to Rajgarh. #JammuAndKashmir pic.twitter.com/6CI4hmxv11
— ANI (@ANI) March 16, 2019
नेमके काय घडले?
पोलिसांनी दिलेल्या माहितीनुसार, शनिवारी सकाळी १०.३० वाजण्याच्या सुमारास गाडी चंदरकोटहून राजगढकडे जात होती. ही गाडी रामबन या ठिकाणी पोहोचली असता त्या प्रवासा दरम्यान चालकाचा गाडीवरचा ताबा सुटून ही गाडी खोल दरीत कोसळली. या दुर्घटनेची माहिती मिळताच पोलिसांनी घटनास्थळी धाव घेत बचावकार्य करण्यास सुरुवात केली. मात्र या अपघातामध्ये ११ जणांचे मृतदेह सापडले आहेत. तर तीन जण गंभीर जखमी झाले आहेत. जखमींमध्ये दोन महिला आणि एका लहान मुलाचा समावेश असल्याची माहिती समोर आली असून जखमींवर जवळच्या रुग्णालयात उपचार सुरु असल्याची माहिती देण्यात आली आहे.