दिल्लीहून नाशिककडे निघालेल्या स्पाईसजेटच्या विमानातील ऑटो पायलटमध्ये बिघाड झाल्याने विमान अर्ध्यातून परतावे लागल्याची घटना घडली, अशी माहिती विमान वाहतूक नियामक DGCA ने ही माहिती दिली आहे. दरम्यान या स्पाईसजेटच्या बोईंग 737 विमानाने सुरक्षित लँडिंग केल्याचे डीजीसीएकडून सांगण्यात आले आहे.
डीजीसीएच्या एका अधिकाऱ्याने सांगितले की, स्पाईसजेट बी737 विमान व्हीटी-एसएलपी जे दिल्लीहून नाशिकला निघाले होते, मात्र अचानक फ्लाइट एसजी-8363 ला ऑटो पायलटमध्ये बिघाड झाला ज्यामुळे विमान अर्ध्यातून दिल्ली विमानतळावर आणावे लागले. असे DGCA अधिकाऱ्याने सांगितले.
SpiceJet flight that took off for Nashik in Maharashtra from IGI Airport in New Delhi returns midway to Delhi this morning due to ‘autopilot’ snag: DGCA official
— Press Trust of India (@PTI_News) September 1, 2022
गेल्या काही महिन्यांत इंधनाच्या चढ्या किमती आणि रुपयाची घसरण यामुळे आर्थिक गडबड असताना स्पाइसजेटच्या अनेक विमानांमध्ये त्रुटी आढळल्यानंतर नागरी विमान वाहतूक महासंचालनालयाने (DGCA) एअरलाइनला कारणे दाखवा नोटीस बजावली होती. असे असतानाही स्पाइसजेटच्या विमानांत त्रुटी आढळण्याच्या घटना थांबण्याचे नाव घेत नाही.
