बाहुबली आणि बाहुबली -२ चे दिग्दर्शक एस.एस, राजामौली आणि त्यांचे संपूर्ण कुटुंबिय कोरोना पॉझिटिव्ह आले आहे. काही दिवसांपूर्वी त्यांना आणि त्यांच्या कुटुंबातील व्यक्तींना ताप आला होता. त्यानंतर त्यांनी कोरोना टेस्ट करण्याचा निर्णय घेतला. ज्यामध्ये ते कोरोना पॉझिटिव्ह आले आहेत. राजमौली यांनी स्वत: आपल्या ट्विटर हँडलवरून ही माहिती दिली. यावेळी प्लाझ्मा दान करण्याची इच्छाही बोलून दाखविली.
My family members and I developed a slight fever few days ago. It subsided by itself but we got tested nevertheless. The result has shown a mild COVID positive today. We have home quarantined as prescribed by the doctors.
— rajamouli ss (@ssrajamouli) July 29, 2020
राजमौली यांनी ट्विटमध्ये म्हटले आहे की, ‘मला आणि माझ्या कुटुंबाला काही दिवसांपासून ताप येत आहे हळूहळू तो कमी झाला पण आम्ही चाचणी केली. ज्यामध्ये आम्ही सौम्य कोरोना पॉझिटिव्ह आलो. पण आम्ही डॉक्टरांच्या सल्ल्यानुसार घरी क्वारंटाईन आहोत. सध्या आम्हाला कोणतीही लक्षण दिसत नाहीत. पण तरीही आम्ही सर्व सूचनांचे पालन करीत आहोत. आम्ही अँटीबॉडी विकसित होण्याची वाट पाहत आहोत जेणेकरुन आम्ही प्लाझ्मा दान करू शकू.” असं ही त्यांनी म्हटलं आहे.
बाहुबली आणि बाहुबली -२ च्या यशानंतर राजामौली यांचा ‘आरआरआर’ चित्रपट प्रेक्षकांच्या भेटीला येणार आहे. या चित्रपटात एनटी रामा राव ज्युनियर मुख्य भूमिकेत आहेत. याशिवाय रामचरण, आलिया भट्ट, अजय देवगण आणि श्रेया सरन महत्त्वपूर्ण भूमिकेत दिसणार आहेत.
हे ही वाचा –Sushant Singh Suicide Case मुंबई पोलिसांकडेच; पार्थ पवारांच्या मागणीला गृहमंत्र्यांचा नकार