दिवंगत अभिनेते राजेश खन्ना यांची आज ६७ वी जयंती. बॉलीवूडचे पहिले सुपरस्टार म्हणून नावारुपाला आलेले राजेश खन्ना यांचे नाव आजही लोक तितक्यात आदराने घेतात. राजेश खन्ना त्यांच्या अजरामर कलाकृतीच्या माध्यमातून आजही आपल्यामध्ये जिवंत आहेत. हिंदी चित्रपटसृष्टीत लागोपाठ १५ सुपरहिट चित्रपट देण्याचा रेकॉर्ड राजेश खन्ना यांच्या नावावर आहे. बॉलीवूडमध्ये ते ‘काका’ या टोपणनावाने प्रसिद्ध होते. ‘काकांचे’ चित्रपच म्हटले की प्रेक्षागृहात गर्दी होणार नाही हे अशक्यच.
त्यानंतर १९६९ साली आलेल्या ‘आराधना’ चित्रपटाद्वारे काका देशातल्या प्रत्येक घरात पोहोचले. आराधनामध्ये त्यांनी साकारलेला डबल रोल (दुहेरी भूमिका) प्रेक्षकांच्या पसंतीस उतरली आणि रातोरात काकांच्या चाहत्यांची संख्या कित्येक पटीने वाढले. आराधना पाठोपाठ दो रास्ते, सफर, हाथी मेरे साथी, अमर प्रेम, आनंद एकाहून एक सुपरहिट ब्लॉकबस्टर चित्रपट त्यांनी केले. या प्रत्येक चित्रपटातील आपल्या दमदार अभिनयामुळे काकांनी खरोखरच आपण बॉलीवूडचे सुपरस्टार असल्याचे सिद्ध करुन दाखवले. हिंदी चित्रपटसृष्टीमध्ये १९६९ ते १९७२ हा ३ वर्षांचा काळ सुवर्ण काळ ठरला. या काळात राजेश खन्ना यांनी लागोपाठ १५ सुपरहिट चित्रपट दिले.
१८ जुलै २०१२ रोजी बॉलीवूडच्या या पहिल्या-वहिल्या सुपरस्टारने जगाचा निरोप घेतला. देशातून आणि देशाबाहेरून लाखो चाहते काकांना अखेरचा निरोप देण्यासाठी जमले होते. आयुष्यभर ज्या थाटात राजेश खन्ना राहिले तितक्याच दिमाखात चाहते आणि बॉलीवूड परिवाराने त्यांना ‘अलविदा’ केले.