‘हे’ कलाकार दिसणार ‘चला हवा येऊ द्या’ च्या नव्या पर्वात

chala hwa yeu dya

‘चला हवा येऊ द्या’च विशेष सिलेब्रिटी पर्व लवकरच

कसे आहात मंडळी, हसताय ना, हसायलाच पाहिजे, असं म्हणत गेली चार वर्षे झी मराठी वाहिनीवरील ‘चला हवा येऊ द्या’हा कार्यक्रम संपूर्ण महाराष्ट्र तसेच जगभरातील मराठी प्रेक्षकांचे मनोरंजन करत आहे. होऊ दे व्हायरल या यशस्वी पर्वानंतर आता वेगळं काय? तर आता ‘चला हवा येऊ द्या’च विशेष सिलेब्रिटी पर्व प्रेक्षकांच्या भेटीस लवकरच येणार आहे. या पर्वात झी मराठी वाहिनीवरील प्रेक्षकांचे लाडके एकूण १६ सिलेब्रिटी सहभागी होणार आहेत.

 अभिज्ञा भावे, गार्गी फुले-थत्ते, राज हंचनाळे, दीप्ती सोनावणे, महेश जाधव, पल्लवी वैद्य, अद्वैत दादरकर, मिहीर राजदा, शर्मिला राजाराम, उमेश जगताप, मिथिला साळगावकर, मोहिनीराज गटणे, आशुतोष गोखले, राहुल मगदूम या कलाकारांच्या कॉमेडीची झलक प्रेक्षकांनी पाहिली आहे पण अजूनही काही कलाकारांची नाव गुलदस्त्यात आहेत, जी लवकरच प्रेक्षकांच्या समोर येतील.

 सिलेब्रिटी पर्वात या कलाकारांमध्ये स्पर्धा होणार असून हे कलाकार ४ गटांमध्ये विभागले जाणार आहेत आणि प्रत्येक गटाचा एक कॅप्टन असणार आहे. भाऊ कदम हे डोंबिलचे भाऊबली, कुशल बद्रिके हा कोकणचे हास्यसम्राट, भारत गणेशपुरे हे विदर्भ फायटर्स तर सागर कारंडे हा साताऱ्याचे शिलेदार या टीमचे कॅप्टन्स आहेत. कुठला कलाकार कोणाच्या गटात सहभागी होणार हे प्रेक्षकांना लवकरच कळेल आणि त्यानंतर या स्पर्धेला सुरुवात होईल. चला हवा येऊ द्या च हे पर्व आणि कलाकारांमधील हि स्पर्धा प्रेक्षकांसाठी मनोरंजनाचं वादळ घेऊन येईल यात शंकाच नाही.