लोकप्रिय ‘द कपिल शर्मा शो’ या कार्यक्रमाने सुरु झाल्यापासून प्रेक्षकांच्या मनात स्थान निर्माण केले आहे. कार्यक्रमातील सर्व कलाकारांनी प्रेक्षकांच्या मनोरंजनात कोणतीच कसर सोडली नाही. संपूर्ण कलाकारांनी रसिकमंडळींचीच नाहीतर सिनेसृष्टीतील कलाकारांचीदेखील भरभरुन पसंती मिळवली आहे. या कार्यक्रमातील इतर कलाकारांप्रमाणे भूरी ही भूमिका साकारणारी अभिनेत्री सुमोना चक्रवर्तीला देखील ‘द कपिल शर्मा शो’ मुळे चांगलीच प्रसिद्धी मिळाली होती. मात्र आता सुमोनाने तिच्या वैयक्तिक आयुष्याबाबत एक खुलासा केला आहे. सध्या ‘द कपिल शर्मा शो’ हा कार्यक्रम बंद झाल्यामुळे सुमोना कडे कोणतेही काम नाही आहे. यासंबंधी इंन्स्टाग्रामवर एक फोटो शेअर करत सुमोनाने भली मोठी पोस्ट शेअर केली आहे. सोबतच १० वर्षापासून ती संघर्ष करत असलेल्या आजाराविषयीही तिने सांगितले आहे. पोस्ट शेअर करत सुमोनाने असे लिहिले होते की, ‘बर्‍याच दिवसानंतर मी घरी एक योग्य व्यायाम केला. असे काही दिवस होते की जेव्हा मला मी अपराधी असल्याचे वाटायचे. मी बेरोजगार आहे पण तरीही मी स्वत: ला आणि माझ्या कुटुंबाला खायला देण्यास सक्षम आहे. हा एक प्रीवीलेजच आहे. पण तरीही कधीकधी मला मी दोषी वाटते. विशेषत: जेव्हा मी पीएमएस (प्रीमेन्स्ट्रूअल सिंड्रोम) मुळे निराश होतो. मूड स्विंगमुळे मला भावनिक त्रास होतो.’ काही गोष्टी यापूर्वी मी कधीही सांगितल्या नाही आहे. मी २०११ पासून एंडोमेट्रियोसिसशी झुंज देत आहे. कित्येक वर्षापासून मी याच्या चौथ्या टप्प्यावर आहे. योग्य खाणे, व्यायाम करणे आणि मुख्य म्हणजे कोणताही ताण न घेता माझे आरोग्य ठीक आहे.
View this post on Instagram
पुढे ती म्हणाली की, ”लॉकडाउन माझ्यासाठी भावनिकदृष्ट्या कठीण होता. एंडोमेट्रिओसिसमुळे पोटदुखीचा त्रास होणे गर्भधारणा सक्षम नसणे यासारख्या समस्या उद्भवू शकतात. पण आज मी वर्कआऊट केले. त्यामुळे मला माझ्या भावना तुमच्याशी व्यक्त कराव्याशा वाटल्या. आपण प्रत्येकजण कोणत्या ना कोणत्या गोष्टीशी संघर्ष करत आहोत. त्यामुळे ही पोस्ट तुमच्या चेहऱ्यावर हसू आणायला व प्रोत्साहन मिळायला नक्कीच मदत होईल असे मला वाटते.”
