हिंदी टेलिव्हिजनवरीप्रसिद्ध अभिनेत्री आणि ‘बिग बॉस 6’ ची विजेती उर्वशी ढोलकियाचा अपघात झाल्याची बातमी समोर आली आहे. हा अपघात उर्वशी शूटींगला जाताना झाला प्रवासादरम्यान तिच्या गाडीला एका बसने जोरदार धडक दिली आहे. सुदैवाने या भीषण अपघातात उर्वशी आणि तिच्या स्टाफला कोणतीही दुखापत झालेली नाही.
स्वतः गाडी चालवत होती उर्वशी
View this post on Instagram
समोर आलेल्या माहितीनुसार, उर्वशी ढोलकिया स्वतः गाडी चालवत होती. उर्वशी गाडीतून स्टुडिओमध्ये शूटींगसाठी जात होती. तिच्यासोबत तिचा एक कर्मचारी देखील होता. यावेळी शाळेच्या बसने उर्वशीच्या गाडीला मागून जोरदार धडक दिली. सुदैवाने या अपघातात कोणीही जखमी झाले नाही. मात्र, उर्वशीला डॉक्टरांनी काही दिवस आराम करण्याचा सल्ला दिला आहे.
कोण आहे उर्वशी ढोलकिया?
उर्वशी ढोलकिया ही हिंदी टेलिव्हिजनवरील प्रसिद्ध अभिनेत्री आहे. उर्वशीने ‘कसौटी जिंदगी के’ या मालिकेतून अभिनयाची सुरुवात केली. तसेच ती ‘बिग बॉस 6’ ची विजेती देखील आहे. उर्वशीने अनेक हिंदी मालिकांमध्ये काम केले आहे. उर्वशीने वयाच्या 16व्या वर्षी लग्न केले होते. त्यानंतर वर्षभरातच तिने जुळ्या मुलांना जन्म दिला. मात्र, हे लग्न जास्त काळ टिकले नाही. उर्वशी ही ‘नागिन 6’, ‘चंद्रकांता’ या मालिकेत झळकली होती.
हेही वाचा :
