कोरोना विषाणू जगभर पसरला असून संक्रमित होणाऱ्यांची संख्या सतत वाढत आहे. कोरोनाचा संसर्ग कोणत्याही माध्यमातून होत आहे. दरम्यान, गुजरातमध्ये एटीएम मधून आल्यावर ३ जवानांना कोरोनाची लागण झाली आहे. त्यामुळे आता एटीएममधून पैसे काढताना काही खास खबरदारी घ्यावी जेणेकरुन आपला कोरोनापासून बचाव होईल.
अशी घ्यावी काळजी
१) जेव्हा आपण घराबाहेर पडता तेव्हा सॅनिटायझर सोबत ठेवा. आपण कोणत्याही ठिकाणी स्पर्श केल्यास, सॅनिटायझरद्वारे त्वरित हात स्वच्छ करा.
२) जर कोणी आधीच एटीएममध्ये उपस्थित असेल तर आत जाऊ नका. जोपर्यंत ती व्यक्ती पैसे घेऊन येत नाही, तोपर्यंत बाहेरच थांबा.
३) आपल्याबरोबर ओला टिश्यू घेऊन घराबाहेर पडा. एटीएम लाईनमध्ये उभे असताना आपला चेहरा, नाक आणि तोंडाला स्पर्श करणे टाळा. ओळीत असलेल्या लोकांपासून एक मीटर अंतर ठेवा.
४) एटीएम चेंबरमध्ये कोणत्याही गोष्टीस स्पर्श करणे टाळा. जर आपण चुकून एखाद्या पृष्ठभागाला स्पर्श केला असेल तर, हात सॅनिटायझरने त्वरित साफ करा.
५) एटीएम लाईनमध्ये उभे असताना एखाद्या ओळखीचा व्यक्ती सापडला असेल तर त्याच्याबरोबर हात जोडण्याऐवजी दुरूनच नमस्कार किंवा नमस्कार सांगा.
६) जर आपल्याला सर्दी आणि खोकला असेल तर मुळीच बाहेर जाऊ नका. एटीएममध्ये उभे असताना अचानक जर आपल्याला शिंका येत असेल तर आपले तोंड रुमालाने झाकून घ्या.
७) एटीएमच्या डस्टबिनमध्ये वापरलेला टिश्यू आणि मास्क टाकू नका. यामुळे इतरांमध्ये हा संसर्ग पसरु शकतो.
८) यावेळी पूर्णपणे डिजिटल असणे योग्य आहे. सर्व देयके आणि व्यवहार ऑनलाइन करा.
हेही वाचा – कोरोना विषाणूचं औषध पहिल्या चाचणीत अयशस्वी; अहवाल झाला लीक
