हिवाळ्यात खा ‘ही’ भाजी शरीराला होतील आरोग्यदायी फायदे

हिवाळ्यात शरीराला उष्णतेची गरज असते. हिवाळ्यात बाजारात भरपूर पालेभाज्या येतात. आपल्याकडे बरेच जण पालेभाज्या खायला कंटाळा करतात. पण पालेभाज्यांमध्ये भरपूर प्रमाणात आरोग्यदायी गुण असतात. हिवाळ्यात मेथी खाणे शरीरासाठी खूप फायदेशीर आहे. बरेच जण मेथी कडू लागते म्हणून खाणे टाळतात. मेथीचे लाडू हिवाळ्यात खास करून बनवले जातात. मेथीचे लाडू, मेथीचे पराठे ही बनवले जातात. हिवाळ्यात मेथीचे सेवन करणे आरोग्यासाठी अत्यंत गुणकारी आहे. जाणून घेऊया हिवाळ्यात मेथी खाण्याचे आरोग्यदायी फायदे.

• मेथीचे सेवन केल्यामुळे शरीरातील कोलेस्ट्रॉलचे प्रमाण योग्य राहते. मेथीचा आहारात समावेश केल्याने आपल्या यकृतामध्ये जास्त कोलेस्ट्रॉलची निर्मिती होत नाही.
• प्रसुती झालेल्या स्रीयांनी आपल्या आहारात मेथीचे सेवन करणे कधीही उत्तम. मेथीचे सेवन केल्याने स्रीच्या शरीरात दूध तयार होते त्याचा बाळाला फायदा होतो. त्यामुळे प्रसुती झालेल्या स्रीला कधीही मेथीची भाजी किंवा लाडू खाण्याचा सल्ला दिला जातो.
• हिवाळ्याच्या दिवसात गॅस सारख्या समस्यांना तोंड द्यावे लागते. मेथीचे सेवन केल्यामुळे पोटासंबंधी असलेल्या समस्या दूर होतात. मेथीमध्ये फायबर आणि एन्टीऑक्सिडंट मोठ्या प्रमाणात असतात त्यामुळे मेथी खाल्याने पचनक्रिया सुधारण्यासही मदत होते.
• ह्रदयरोग असलेल्या लोकांनी नियमित मेथीचे सेवन केले पाहिजे. मेथीच्या सेवनामुळे शरीरातील रक्ताच्या गाठी कमी होण्यास मदत होते. मेथी खाल्ल्याने रक्तप्रवाह सुरळीत होतो. त्यामुळे हिवाळ्यात मेथीची भाजी खाणे कधीही उत्तम.
• खूप दिवसांपासून खोकला असेल किंवा त्वचेसंबधित आजार असतील तर मेथीच्या सेवनामुळे या आजारापासून आराम मिळतो. त्यामुळे हिवाळ्याच्या दिवसात मेथीचा आहारात समावेश करणे शरीरासाठी अत्यंत गुणकारी आहे.
• मेथीचे खाल्ल्याने पुरूषांच्या शरीरातील टेस्टोस्टेरॉन हार्मोन्सची निर्मिती होण्यास मदत होते. त्यामुळे मेथीचे सेवन करणे पुरूषांसाठी खूप महत्त्वाचे आहे.
  

  ---

  हेही वाचा – असे बनवा ‘डिटॉक्स वॉटर’