सरकारच्या महाघोटाळ्यांचा आज होणार पर्दाफाश? कोणते मंत्री अडकणार?

मिस्टर क्लिन अशी प्रतिमा असलेल्या मुख्यमंत्री देवेंद्र फडणवीस सरकारच्या कार्यकाळात त्यांच्या अनेक मंत्र्यांवर भ्रष्टाचाराचे आरोप झाले. आज पुन्हा मागील पावणेचार वर्षांच्या कार्यकाळातील भ्रष्टाचाराचा पाढा वाचला जाण्याची शक्यता आहे. त्यासाठी विरोधकांनी कंबर कसली आहे. रुपयांत बेरीज करायची ठरवली, तर हजार कोटींपेक्षाही जास्त रकमेचे हे घोटाळे आणि गैरव्यवहार आहेत.

महाराष्ट्र विधानसभा नियम २९३ अन्वये आज काँग्रेस, राष्ट्रवादीसह विरोधी पक्षांचे आमदार या घोटाळ्यांसंदर्भात विधिमंडळात प्रस्ताव मांडणार आहे. आज सकाळी ११ नंतर या प्रस्तावावर विधिमंडळात चर्चा होण्याची शक्यता आहे. विरोधी पक्षनेते विजय वडेट्टीवार, अजित पवार, जयंत पाटील, बाळासाहेब थोरात, छगन भुजबळ यांच्यासह विरोधी पक्षाचे सर्व आमदार या विरोधात आवाज उठविणार आहेत.

या घोटाळ्यांमध्ये शासनाच्या बऱ्याच विभागातील मंत्री व राज्यमंत्र्यांचा समावेश असल्याचे प्रस्तावात नाव न देता नमूद करण्यात आले आहे. त्यापैकी काही मंत्र्यांना नुकत्याच झालेल्या मंत्री मंडळ विस्तारादरम्यान फडणवीस सरकारने डच्चू दिलेला आहे. मात्र त्यांच्यावर कारवाई सुदधा व्हायला पाहिजे अशी विरोधकांची मागणी आहे. त्यामुळे आज विधानसभेतील चर्चेदरम्यान सरकारकडून काय भूमिका घेतली जाणार? तसेच ही चर्चा पटलावर आल्यावर कामकाज सुरू राहणार की कामकाज तहकूब करण्याची खेळी सरकार करणार? हा औत्सुक्याचा विषय ठरणार आहे.

हे आहेत प्रस्तावातील टॉप टेन घोटाळे