Coronavirus Maharashtra: आजही बरे होणाऱ्या रुग्णांची संख्या नवीन रुग्णांपेक्षा अधिक

महाराष्ट्र आज नवीन २१ हजार ९०७ रुग्णांचे निदान झाले आहे. तर २३ हजार ५०१ रुग्ण बरे होऊन घरी परतले आहेत. आतापर्यंत बरे होऊन गेलेल्या रुग्णांचा हा सर्वाधिक आकडा असल्याचे सांगितले जात आहे. बरे होणाऱ्या रुग्णांची संख्या आता ८ लाख ५७ हजार ९३३ वर पोहोचली आहे. राज्यातील रुग्ण बरे होण्याचे प्रमाण (Recovery Rate) ७२.२२ टक्के एवढे झाले आहे. आज राज्यात ४२५ रुग्णांचा मृत्यू झाला असून आतापर्यंत एकूण मृतांची संख्या ३२ हजार २१६ इतकी झाली आहे.

आज निदान झालेल्या २१ हजार ९०७ रुग्णांमुळे आता एकूण रुग्णांची संख्या ११ लाख ८८ हजार ०१५ वर पोहोचली आहे. तर यापैकी फक्त २ लाख ९७ हजार ४८० रुग्ण Active आहेत. त्यांच्यावर विविध जिल्ह्यांमध्ये उपचार सुरु आहेत. सर्वाधिक Active रुग्ण मुंबईत ३० हजार ६३९ असून सर्वात कमी रुग्ण ३९२ एवढे गडचिरोली जिल्ह्यात आहेत.