क्षयरोगाबाबत समाजात आजही मोकळेपणे बोलले जात नसल्याने मृत्यूचे प्रमाण वाढले आहे. जगात दर मिनिटाला क्षय रोगामुळे एक व्यक्ती दगावते आणि यामध्ये जागतिक स्तरावर देशाने सर्वोच्च प्रमाण नोंदवले आहे. त्यामुळे क्षय रोगाबाबत जागृती मोहीम हाती घेणं हाच यावरील उपाय असल्याचे तज्ज्ञ सांगतात. याचंच एक पुढचं पाऊल म्हणून डॉक्टरांच्या इंडियन मेडिकल असोसिएशनने या रोगाच्या जागृतीसाठी व्हीडिओ मोहीम सुरू केली आहे.
काय आहे व्हिडिओ मोहीम?
इंडियन मेडिकल असोसिएशन विज्ञाननिष्ठ उपचारातील डॉक्टरांची राष्ट्रीय स्वयंसेवी संघटना आहे. ‘युनाइट टू एंड टीबी’ या मोहिमेत व्हिडिओंचा समावेश असून हे व्हिडिओ क्षय रोगाने कोणतीही व्यक्ती दगावू नये, यासाठी प्रतिबंधात्मक उपाय देण्यात आले आहेत. तसेच यात रुग्ण, कुटुंबिय आणि डॉक्टर यांना माहिती दिली जाणार आहे. डॉक्टरांनी टीबीच्या प्रत्येक रुग्णाची नोंद तातडीने करावी, याची दक्षता घेणाऱ्या वेब आधारित मॉनिटरिंग सिस्टीमद्वारे नोंदवण्याची आवश्यकताही या व्हीडिओंद्वारे स्पष्ट केली जाणार आहे.