मनी लॉन्ड्रिंग प्रकरणी राज्याचे माजी गृहमंत्री अनिल देशमुख यांचे पुत्र ऋषिकेश देशमुख आणि सलील देशमुख यांना पीएमएलए कोर्टाने समन्स जारी केला आहे. या समन्समध्ये त्यांना 5 एप्रिलला न्यायालयात हजर राहण्याचे आदेश देण्यात आले आहेत. मुंबई सत्र न्यायालयातील विशेष पीएमएलए कोर्टाने आज हा समन्स जारी केला आहे.
राष्ट्रवादी काँग्रेसचे नेते आणि माजी गृहमंत्री यांच्यावर हॉटेल, रेस्टॉरंट आणि बार मालकांकडून 100 कोटी रुपयांची वसुली केल्याचा आरोप आहे. मुंबईचे पोलीस आयुक्त परमबीर सिंह यांनी मुख्यमंत्री उद्धव ठाकरे यांना पत्र लिहून हे आरोप केले होते. यानंतर तपास यंत्रणांकडून अनिल देशमुखांची चौकशी सुरु आहे. दरम्यान मनी लॉन्ड्रिंग प्रकरणातील आरोपींच्या यादीत अनिल देशमुख हे आरोपी क्रमांक 15 आहेत.
ED has sought time from a PMLA court to file a reply on the bail application of former Maharashtra Home Minister Anil Deshmukh in a money laundering case. The next case of hearing is February 9.
— ANI (@ANI) February 4, 2022
अनिल देशमुख यांच्या जामीन अर्जावर आज विशेष पीएमएलए न्यायालयात सुनावणी पार पडली. यावेळी अनिल देशमुख यांच्या जामीन अर्जावर उत्तर देण्यासाठी ईडीने मुदत वाढवून मागितली. या प्रकरणाची सुनावणी आता 9 फेब्रुवारी रोजी होणार आहे. त्यामुळे ईडी न्यायालयासमोर 9 फेब्रुवारी ला उत्तर दाखल करणार आहे त्याचदिवशी या अर्जावर सुनावणी होण्याची शक्यता आहे.