मुंबईतील कुर्ला परिसरातील सुमननगरजवळ मेट्रोचे काम सुरू आहे. यावेळी पाईपलाईनच काम सुरू असताना पालिकेच्या ७ कर्मचाऱ्यांना वीजेचा धक्का लागला. तर दोघांचा जागीच मृत्यू झाला आहे. या दुर्घटनेत ५ कर्मचारी जखमी झाले आहे. जखमींना राजावाडी रुग्णालयात दाखल करण्यात आले आहे.
Maharashtra: 2 Municipal Corporation of Greater Mumbai (MCGM) workers dead & 5 injured by electric current, yesterday evening. They were engaged in a water pipeline repair work in the Suman Nagar area.
The injured workers are recovering in a hospital & are stable.
— ANI (@ANI) October 19, 2020
असा घडला प्रकार
मुंबईतील कुर्ला परिसरातील सुमननगरजवळ मेट्रोचे काम सुरू आहे. या भागात पाण्याची पाईपलाईन फुटली होती. या पाईपलाईनच्या दुरुस्तीच काम सुरू होते. आज सकाळी ८ वाजेच्या सुमारास काम करण्यासाठी कर्मचारी पोहोचले होते. तेव्हा अचानक ७ कर्मचाऱ्यांना विजेचा धक्का बसला. यात २ कर्मचाऱ्यांचा मृत्यू झाला आहे. तर इतर ५ जण हे यातून थोडक्यात बचावले असल्याची माहिती समोर येत आहे.
या दुर्घटनेत गणेश दत्तू (४५) आणि अमोल काळे (४०) या २ जणांचा जागीच मृत्यू झाला आहे. जर इतर ५ जण जखमी झाले आहे. नाना पुकळे (४१), महेश जाधव (४०), राकेश जाधव (३९) अनिल चव्हाण (४३), नरेश अधांगळे (४०) अशी जखमींची नावे आहे.
मिळालेल्या माहितीनुसार, जखमींना राजावाडी रुग्णालयात दाखल करण्यात आले आहे. त्यांच्यावर उपचार सुरू आहे. त्यांची प्रकृती स्थिर आहे.
