घरCORONA UPDATEबारावीचा अभ्यासक्रम आता ऑनलाईन उपलब्ध

बारावीचा अभ्यासक्रम आता ऑनलाईन उपलब्ध

Subscribe

लॉकडाऊन दरम्यान बारावी अभ्यासक्रमाचे ई साहित्य बालभारतीच्या वेबसाईटवर उपलब्ध झाल्यामुळे विद्यार्थ्यांना घरी बसून अभ्यास करता येणार

बारावीच्या विद्यार्थ्यांचे शैक्षणिक नुकसान होऊ नये यासाठी लर्न फ्रॉम होम म्हणजेच घरी असतांनाही अभ्यासक्रम पुर्ण कसा करता यावा यासाठी बारावी अभ्यासक्रमाचे साहित्य पिडीएफ स्वरुपात http://www.ebalbharati.in/ या संकेतस्थळावर ऑनलाईन उपलब्ध करुन देण्यात आले आहे. शालेय शिक्षण मंत्री प्रा. वर्षा गायकवाड यांनी नुकतीच राज्यातील सर्व अधिकाऱ्यांची झुम ॲपच्या माध्यमातून ऑनलाईन बैठक घेऊन त्यासंदर्भात सूचना दिल्या होत्या.

ई साहित्य बालभारतीच्या वेबसाईटवर उपलब्ध

नवे शैक्षणिक वर्ष सुरु होण्यापुर्वी नवी पुस्तके विद्यार्थ्यांना दुकानांमधून उपलब्ध होत असतात. सध्या कोरोना विषाणूचा प्रादुर्भाव रोखण्यासाठी देशात टाळेबंदी असल्यामुळे विद्यार्थी व पालकांना घराबाहेर निघणे शक्य होत नाही. या कालावधित अभ्यासक्रमाचे ई साहित्य बालभारतीच्या वेबसाईटवर उपलब्ध झाल्यामुळे विद्यार्थ्यांना घरी बसून अभ्यास करता येणार आहे. याच बरोबर रेडीओ टिव्हीच्या माध्यमातून अभ्यासाचे साहित्य उपलब्ध करुन देण्याबाबत देखील पडताळणी सुरु आहे. ऑनलाईन उपलब्ध करण्यात आलेल्या पुस्तकांमधे मराठी, हिंदी, संस्कृत या सोबतच गणित, विज्ञान, तर्कशास्त्र आणि माहिती व तंत्रज्ञान यांचा समावेश आहे.

- Advertisement -

ऑनलाईन उपलब्ध असलेली पुस्तके 

युवकभारती मराठी (मराठी), संस्कृत – अल्हाद (संस्कृत),पाली-पकासो (मराठी), अर्धमागधी- प्राकृत (मराठी) , महाराष्ट्री प्राकृत (मराठी), युवकभारती – हिंदी (हिंदी), युवकभारती – बंगाली (बंगाली), युवकभारती – इंग्रजी (इंग्रजी) युवकभारती – गुजराती (गुजराती), युवकभारती – उर्दु (उर्दु), युवकभारती – सिंधीन (अरेबिक), युवकभारती – सिंधी (देवनागरी), युवकभारती- कन्नड (कन्नड) युवकभारती – तेलुगु (तेलुगु) शिक्षणशास्र (मराठी, इंग्रजी), पर्शियन – गुल्हा ए फारशी (उर्दु), अरेबिक- हिदायतुल अरेबिया (उर्दु), तर्कशास्र (इंग्रजी) बालविकास (इंग्रजी), भौतिकशास्र (इंग्रजी), रसायनशास्र (इंग्रजी), जीवशास्र (इंग्रजी), गणित व संख्याशास्र (कला व विज्ञान भाग 1) (इंग्रजी), गणित व संख्याशास्र (कला व विज्ञान भाग 2) (इंग्रजी), गणित व संख्याशास्र (वाणिज्य भाग 1) (इंग्रजी), गणित व संख्याशास्र (वाणिज्य भाग 2) (इंग्रजी), पुस्तपालन व लेखाकर्म (मराठी, इंग्रजी), सहकार (मराठी, इंग्रजी) , वाणिज्य संघटन व व्यवस्थापन(मराठी, इंग्रजी), चिटणीसाची कार्यपद्धती (मराठी,इंग्रजी), अर्थशास्र (मराठी,इंग्रजी), जलसुरक्षा व पर्यावरण शिक्षण (मराठी, इंग्रजी), इतिहास (मराठी), राज्यशास्र (मराठी, इंग्रजी), माहीती तंत्रज्ञान – विज्ञान (इंग्रजी)


कोरोनामुळे MPSCच्या परीक्षा लांबणीवर; राज्य सेवा आयोगाचा निर्णय
- Advertisment -
- Advertisment -
- Advertisment -