घरमुंबईMaharashtra curfew : कोरोना विरुद्ध लढाईत सेलिब्रिटींच्या वॕनिटी व्हॕन मुंबई पोलिसांच्या मदतीला

Maharashtra curfew : कोरोना विरुद्ध लढाईत सेलिब्रिटींच्या वॕनिटी व्हॕन मुंबई पोलिसांच्या मदतीला

Subscribe

दोन वर्षाचा काळ लोटला तरी राज्यावरील कोरोना विषाणूचे संकट अद्याप कमी होत नाही. याचा सर्वाधिक ताण राज्यातील आरोग्य यंत्रणा, पोलीस यंत्रणा आणि इतर अत्यावश्यक सेवांवर येत आहे. दरम्यान मुंबईसह राज्यातील कोरोनास्थिती नियंत्रित राहण्यासाठी शासनाकडून सतत नवनवीन कडक नियमावली, निर्बंध जाहीर करण्यात येत आहे. या नियमावलींचे पालन नागरिक करत आहेत की नाही हे पाहण्यासाठी पोलीस यंत्रणा दिवसरात्र लक्ष ठेवून आहे. त्यामुळे कोरोनाविरुद्ध अहोरात्र लढणाऱ्या पोलिस बांधवांना अनेक अडचणींचा सामना करावा लागत आहेत. दरम्यान पोलिसांना उन्हातान्हात कर्तव्य बजावावे लागत आहे. पोलिसांची हीच अडचण लक्षात घेता सेलिब्रिटींच्या वॕनिटी व्हॕन मुंबई पोलिसांच्या मदतीला सेवेत रुजू झाल्या आहे. मुंबईतील अनेक वॅनिटी व्हॅन मालकांनी एकमताने निर्णय घेत त्यांच्या वॅनिटी वॅन मुंबई पोलिसांच्या सेवेत देण्याचा निर्णय घेतला आहे.

मुंबईच्या रस्त्यांवर संचारबंदीच्या नियमांमुळे अनेक ठिकाणी नाकाबंदी लावण्यात आली आहे. शिवाय अनेक ठिकाणी बॅरिगेट्टसही लावण्यात आले आहेत. परंतु हे नाकाबंदी, बॅरिगेट्सचे नियम मोडत अनेक नागरिक रस्त्यावर फिरतात त्यामुळे अशा ठिकाणी पोलिसांचा गस्त वाढवण्यात आला आहे. मात्र ही गस्त ठेवताना पोलिस बांधवांना उन्हातान्हापासून संरक्षण किंवा इतर सुविधा तात्काळ उपलब्ध होईल अशा जागा नाहीत. त्यामुळे १२ १२ तास गस्त ठेवणाऱ्या पोलिसांना काही काळ आराम, विश्रांती मिळावी यासाठी या वॅनिटी व्हॅन मुंबई पोलिसांना सेवा पुरवणार आहेत.

- Advertisement -

महामार्गासह अनेक ठिकाणी बंदोबस्ताला असणाऱ्या पोलिसांना काही क्षण विश्रांती, आराम देण्याबरोबरचं कपडे बदलणे आणि शौचालयाच्या सुविधा या वॅनिटी व्हॅनमध्ये आहेत. आत्तापर्यंत ४ वॅनिटी वॅन मुंबई पोलिसांच्या सेवेत देण्यात आल्या आहेत. आत्तापर्यंत दहिसर, मालाड, दिंडोशी, घाटकोपर या भागांमध्ये या वॅनिटी वॅन पोलिसांना सेवा देत आहेत. त्यामुळे सेलिब्रिंच्या आयुष्याचा भाग असलेल्या अलिशान वॅनिटी वॅन आता काही काळा पोलीसांना पुरवण्यास सज्ज झाल्या आहेत. मागील वर्षीही अनेक वॅनिटी वॅन मालकांनी आपल्या वॅनिटी वॅन मुंबई पोलिसांच्या सेवेत दाखल केल्या होत्या.


 

sushma rane
sushma ranehttps://www.mymahanagar.com/author/sushma-rane/
गेली ४ वर्षांपासून माध्यम क्षेत्रात काम करण्याचा अनुभव, मनोरंजन लिखाण, प्रिंट आणि डिजिटल मीडियाचा अनुभव
- Advertisment -
- Advertisment -
- Advertisment -