Monsoon Update : मान्सून अखेर केरळमध्ये दाखल; महाराष्ट्रात कधी?

दरवर्षी 1 जून रोजी केरळमध्ये मान्सूनचे आगमन होते, पण यावर्षी मान्सूनचे केरळमध्ये आगमन होण्यासाठी 7 दिवसाची अवधी लागला आहे. नैऋत्य मोसमी पावसाने केरळमध्ये आज (8 जून) आगमन केले आहे. मान्सूनची वाटचाल दक्षिण अरबी समुद्र, मध्य अरबी समुद्र आणि लक्षद्वीप भागात सुरु आहे. केरळ, दक्षिण तामिळनाडू, कोमोरिन भाग, मन्नार परिसरात मान्सून दाखल झाला आहे. महाराष्ट्रात मान्सूनचे आगमन 16 जूनला होईल असा अंदाज हवामान विभागाने वर्तविला आहे. हवामान विभागानं यापूर्वी पुढील 48 तासात मान्सून केरळमध्ये दाखल होईल, अशी माहिती दिली होती. मात्र, बदलेल्या वातावरणातील स्थितीमुळं मान्सून आजचं दाखल झाला आहे. याबाबत माहिती हवामान तज्ज्ञ के. एस. होसाळीकर यांनी दिली. (Monsoon Update : Monsoon has finally entered Kerala; When in Maharashtra?)

☔️नैऋत्य मोसमी पावसाने केरळमध्ये आज, 8 जून 2023 रोजी प्रवेश केला आहे.
जून.
आयएमडी
☔️Southwest Monsoon has set in over Kerala today, the 8 June, 2023 against the normal date of 1 June.
IMD pic.twitter.com/ZJwRVdpAgE

— K S Hosalikar (@Hosalikar_KS) June 8, 2023

मान्सून दाखल झाल्यामुळे उकाड्याने हैराण झालेल्या नागरिकांना पुढील काही दिवसात दिलासा मिळणार आहे. जवळपास एक आठवडा उशिराने मान्सून यंदा केरळमध्ये दाखल झाला आहे. ‘बिपरजॉय’ चक्रीवादळ मान्सून लांबण्यास कारणीभूत ठरले आहे. त्यामुळे आता मान्सूनचा प्रवासही लांबणार आहे.