मुंबईमध्ये कोरोनाचा प्रादुर्भाव रोखण्यात मुंबई महापालिका आणि प्रशासनाला काहीसे यश मिळताना दिसत आहे. शुक्रवारच्या तुलनेत शनिवारी कोरोनाबाधितांच्या आकड्यात घट झाली. शुक्रवारी मुंबईत ६०० नव्या कोरोनाबाधित रुग्णांची नोंद झाली होती. मात्र, शनिवारी मुंबईत ५०४ नवे रुग्ण सापडले. त्यामुळे मुंबईतील एकूण रुग्णांची संख्या ७ लाख २७ हजार १४१ इतकी झाली आहे. तसेच मृतांच्या संख्येत मात्र कोणताही बदल झाला नाही. शुक्रवारप्रमाणेच शनिवारी १३ कोरोनाबाधितांच्या मृत्यूंची नोंद झाली. मुंबईत आतापर्यंत नोंद करण्यात आलेल्या मृत्यूंची संख्या ही १५ हजार ६१२ इतकी झाली आहे.
७३६ रुग्ण बरे होऊन घरी परतले
तसेच आणखी एक समाधानकारक बाब म्हणजे गेल्या २४ तासांत बाधित झालेल्या रुग्णांपेक्षा कोरोनातून मुक्त झालेल्यांची संख्या जास्त होती. शनिवारी ५०४ कोरोनाबाधितांची नोंद झाली असताना ७३६ रुग्ण बरे होऊन घरी परतले. मुंबईत आतापर्यंत बरे झालेल्या रुग्णांची संख्या ७ लाख ०१ हजार ७१० इतकी झाली आहे. त्यामुळे मुंबईत रुग्ण बरे होण्याचे प्रमाण हे ९६ टक्के इतके झाले आहे.
#CoronavirusUpdates
१० जुलै, संध्या. ६:०० वाजता२४ तासात बाधित रुग्ण – ५०४
२४ तासात बरे झालेले रुग्ण – ७३६
बरे झालेले एकूण रुग्ण – ७०१७१०
बरे झालेल्या रुग्णांचा दर – ९६%एकूण सक्रिय रुग्ण- ७४८४
दुप्पटीचा दर- ९०९ दिवस
कोविड वाढीचा दर ( ३ जुलै ते ०९ जुलै)- ०.०७ % #NaToCorona— माझी Mumbai, आपली BMC (@mybmc) July 10, 2021
रुग्ण दुप्पटीचा दर ९०९ दिवस
मुंबईत आज ३७ हजार ०३६ कोरोना चाचण्या करण्यात आल्या. त्यातील ५०४ जणांचा रिपोर्ट पॉझिटिव्ह आला आहे. मुंबईत सध्या ७ हजार ४८४ अॅक्टिव्ह रुग्ण आहेत. तसेच मुंबईत ३ जुलै ते ९ जुलै या कालावधीत कोरोना रुग्णवाढीचा दर हा ०.०७ टक्के इतका होता. तर रुग्ण दुप्पटीचा दर ९०९ दिवस इतका झाला आहे.