दररोजच्या धावपळीच्या जीवनात रोज काही ना काही अशा गोष्टी होत असतात ज्याने व्यक्ती तणावग्रस्त होत असतो. तणावामुळे कोणत्याही कामात मन लागत नाही. कामाच्या ठिकाणीच नाही तर आपल्या स्वत:च्या अनेक गोष्टींमुळे, घरातील मतभेदांमुळे माणूस तणावात जातो. अशा परिस्थितीत तणाव कमी करण्याची गरज असते. न्यूयॉर्कमधील एका डिजाइन स्टुडिओने कर्मचाऱ्यांना तणावमुक्त करण्यासाठी एक अनोखा मार्ग आणला आहे. स्टुडिओने रस्त्यांवर अनेक ठिकाणी पंचिंग बॅग लावल्या आहेत. त्यामुळे लोकं या बॅगवर लाथा-बुक्के मारुन आपला तणाव काही प्रमाणात कमी करु शकतील.
