भारताचे आघाडीचे बॉक्सर्स अमित पांघल (५२ किलो) आणि शिवा थापा (६४ किलो) यांची आशियाई बॉक्सिंग अजिंक्यपद (Asian Boxing Championship) स्पर्धेत सुवर्णपदकाची संधी हुकली. या दोघांनाही अंतिम फेरीत पराभवाचा सामना करावा लागल्याने त्यांना रौप्यपदकावर समाधान मानावे लागले. गतविजेत्या पांघलला यंदाही सुवर्णपदकासाठी प्रबळ दावेदार मानले जात होते. त्याने सुरुवातीच्या लढतींमध्ये अप्रतिम खेळ करत अंतिम फेरी गाठली. परंतु, या फेरीत त्याला उझबेकिस्तानच्या शाखोबिदिन झोइरोव्हने २-३ असे पराभूत केले. याआधी २०१९ जागतिक स्पर्धेतही झोइरोव्हनेच पांघलचा अंतिम सामन्यात पराभव केला होता.
India has lodged PROTEST
India has contested the R2️⃣ decision of the spilt verdict 2️⃣-3️⃣ and surprise loss of @Boxerpanghal in the finals of ASBC #AsianEliteBoxingChampionships in Dubai against reigning World & @Olympics champion S Zoirov of 🇺🇿 🥊#PunchMeinHaiDum#boxing pic.twitter.com/Xt09rwbxVP
— Boxing Federation (@BFI_official) May 31, 2021
दुसऱ्या फेरीचा रिव्हिव्यू
पांघल आणि झोइरोव्ह यांच्यातील अंतिम लढतीमधील दुसऱ्या फेरीचा भारताने रिव्हिव्यू मागितला आहे. याचा निकाल काही काळाने सांगितला जाईल. पांघलने या स्पर्धेत मिळालेले रौप्यपदक प्रशिक्षक अनिल धनकर यांना समर्पित केले. ते दुबईला जाऊ शकले नाहीत. परंतु, टोकियो ऑलिम्पिकमध्ये पदक मिळाले, तर त्यावेळी तुम्ही सोबत असावे ही इच्छा असल्याचे पांघल ट्विटरवर म्हणाला.
ये सिल्वर मैडल,मेरे देश के युवाओं ,मेरे कोच Anil Dhankhar के नाम,काश इस वक्त वो यहाँ दुबई में होते,@KirenRijiju सर बस यही इच्छा है की टोक्यो मैडल के वक्त वे मेरे साथ खड़े हो।🙏🙏🙏 @Media_SAI @BFI_official @AjaySingh_SG @ipspankajnain @DGSAI @debojo_m @aapkadharam @AapkaPanghal pic.twitter.com/SL8ujv7d13
— Amit Panghal (@Boxerpanghal) May 31, 2021
शिवाला सलग पाचवे पदक
दुसरीकडे शिवा थापालाही रौप्यपदकावर समाधान मानावे लागले. ६४ किलो वजनी गटाच्या अंतिम फेरीत त्याला मंगोलियाच्या बातरसुख चिंझोरिगने २-३ असे पराभूत केले. परंतु, शिवाला या स्पर्धेत सलग पाचवे पदक मिळवण्यात यश आले. या स्पर्धेतील शिवाचे हे दुसरे रौप्यपदक ठरले. शिवा आणि पांघल या दोघांनीही अंतिम लढतींमध्ये चांगला खेळ केला. परंतु, पंचांनी त्यांना अपेक्षित गुण दिले नाहीत.